Bo‘lim boshlig‘i:
Shamsiyev Alibek Sabirovich
Qabul vaqti: Har kuni soat 15:00 dan 17:00 gacha
Qabul bo‘limi universitetning Qabul komissiyasi tarkibini shakllantirish, bakalavriatning kunduzgi va sirtqi ta’lim shakllariga hamda kunduzgi magistraturaga talabalikka qabul qilish jarayonlarini sifatli tashkil qilish, o‘qishga qabul qilish uchun suhbatlar tashkil qilish, talabalar o‘qishini ko‘chirish, tiklash, universitetning xalqaro arenada jozibadorligini oshirish, xorijiy fuqarolarni o‘qishga jalb qilish, kasbiy yo‘naltirish kabi faoliyatlar bilan shug‘ullanadi.
Qabul bo‘limi abituriyentlar va ularning ota-onalariga qabul jarayonlari va ta’lim yo‘nalishlari haqidagi savollarga javoblar berish kabi vazifalarni amalga oshiruvchi tarkibiy tuzilma hisoblanadi. Bo‘lim Qabul va talabalar registrator boshqarmasiga bo‘ysunadi.
Bo‘lim tarkibi:
Bo‘limda 1 nafar boshliq, 1 nafar yetakchi mutaxassis va 2 nafar bosh mutaxassislar faoliyat yuritadi.
Bo‘limning asosiy vazifalari:
- Universitetda O‘zbekiston Respublikasida amaldagi qonunchilik asosida qabul jarayonini tashkil etish va talablarga rioya etilishini ta’minlash;
- Universitetni Respublika boʻylab targʻibot qilish ishlarida ishtirok etish va taqdimotlar yaratish;
- Abituriyentlar hujjatlarini onlayn tarzda qabul qilish jarayonini toʻliq va sifatli boshqarish;
- Abituriyentlarga oʻtkaziladigan taqdimot jarayonlarida universitetning mavjud oʻquv dasturlari va ularga kirish imtihonlari shart-sharoitlari hamda imtihon uchun toʻldiriladigan online ariza shakllarini koʻrsatib tushuntirib berish;
- Rasmiy saytiga kelib tushgan barcha onlayn arizalarni tekshirib ularga javob qaytarishni boshqarish.
- Abituriyentlar tomonidan Online toʻldirilgan arizalarni koʻrib tekshirish, yoʻl qoʻyilgan kamchiliklar boʻlgan taqdirda arizalarni oʻz egalariga izohli tarzda qaytarish, shuningdek, til bilish sertifikatlari IELTS yoki TOEFL iBT kabi hujjatlarni haqqoniylik yuzasidan tegishli rasmiy sayt orqali tekshirish;
- Abituriyentlarning ma’lumotlar bazasini shakllantirish;
- Abituriyentlarga hujjat topshirish mobaynida koʻmaklashish va maslahat berish.
- Universitetning qabul jarayoniga doir buyruqlari, ko‘rsatmalari, jadval va boshqa hujjatlarinitayyorlash va rasmiylashtirish;
- Abituriyentlarga universitetni yaqindan tanishtirish, uning afzalliklari haqida ma’lumot berish; oʻquv yoʻnalishlari va ularga kirish uchun abituriyentlardan talab qilinadigan shartlar bilan tanishtirish.