TATU jamoasi "Yashil makon" loyihasida faol ishtirok etdi
Bugun Qoraqalpog‘iston Respublikasi Nukus shahrida start berilgan "Yashil makon" umummlilliy loyihasi doirasida Muhammad al-Xorazmiy nomidagi Toshkent axborot texnologiyalari universitetiga biriktirilgan hududlarga TATU jamoasi tomonidan 400 dona mevali va manzarali ko‘chatlar ekildi.
Yashil_makon_umummilliy_loyihasi
TATUda “Yashil makon” aksiyasi Navro‘z bayrami ruhida o‘tkazildi!
Bugun, 21-mart kuni universitetimizda Navroʻz umumxalq bayrami munosabati bilan “Yashil makon” umummilliy loyihasi doirasida ko‘chat ekish tadbiri tashkil etildi. Tadbirda universitet rahbariyati hamda ishchi-xodimlar faol ishtirok etib, hududlarni obodonlashtirish va yashil maydonlarni kengaytirishga o‘z hissalarini qo‘shdilar.
Aksiya davomida 700 ga yaqin mevali va manzarali daraxt ko‘chatlari ekildi:
Bobodehqon mahallasiga — 250 tup;
Orchopar qabristoniga — 100 tup;
TATU hududiga — 320 tup.
Tadbir davomida ekologik barqarorlikni ta’minlash, atrof-muhitni muhofaza qilish hamda yashil hududlarni kengaytirish masalalariga alohida e’tibor qaratildi.
Mutaxassislar ta’kidlaganidek, bunday tashabbuslar yoshlar orasida ekologik ong va ijtimoiy mas’uliyatni shakllantirishda muhim ahamiyat kasb etadi.
“Yashil makon” loyihasi — bu nafaqat hududlarni obodonlashtirish, balki Navroʻz bayramining yangilanish va ezgulik g‘oyalarini amalda namoyon etuvchi tashabbusdir.
Yashil kelajak sari birgalikda!
#Yashil_makon
TATUda “Yashil makon” aksiyasi!
TATU “Yashil makon” umummilliy loyihasi boʻlib oʻtdi.
Mazkur loyiha doirasida universitet rahbariyati boshchiligida ishchi-xodimlar bilan birgalikda 170 tup mevali va 130 tup manzarali daraxt koʻchatlari ekildi.
Mazkur ezgu tashabbus nafaqat atrof-muhitni obod qilishga, balki yoshlarning ekologik madaniyatini yuksaltirishga ham xizmat qiladi!
Ayni vaqtlarda universitetimizda, talabalar turar joylari atrofida, unga yondosh hududlarda ko‘plab manzarali gul ko‘chatlari ekilmoqda. Yurtimiz chiroyiga ko‘rk qo‘shish, atrof-muhitni xushmanzara qilish va talabalarimizga yaxshi kayfiyat ulashish, «Yashil makon» umummilliy loyihasi rivojida xissa qo‘shish maqsadida universitetning birdam jamoasi, rahbar xodimlar va talabalar birgalikda bu muhim ishni amalga oshirmoqda.
Bu turdagi faolliklar mamlakatimizning ekologik farovonligini ta’minlash, tabiatga bo‘lgan e’tiborimizni oshirish va hayotimizni yanada go‘zal qilishga qaratilgan muhim qadamlardan biridir.
Bugungi kungacha ko‘chatlangan gullar, nafaqat Toshkent shahrimizni, balki butun yurtimizni yanada chiroyli va jozibador qilishga o‘z hissa qo‘shadi. Bu tadbir talabalarimizni ekologiya masalalarida faol bo‘lishga undaydi va ularga tabiatga mehrni oshiradi.
#Koʻngil_ekologiyasi
Muhammad al-Xorazmiy nomidagi Toshkent axborot texnologiyalari universiteti talaba-yoshlari O‘zbekiston Ekologik partiyasi hamda Toshkent davlat texnika universiteti hamkorligida o‘tkazilgan “Ko‘ngil ekologiyasi” nomli rasmlar tanlovida faol ishtirok etdilar.
Tanlov davomida talabalarimiz ekologik madaniyat, tabiatni asrash, atrof-muhitni muhofaza qilish hamda “Yashil makon” umummilliy loyihasi g‘oyalarini o‘zida mujassam etgan ijodiy ishlarini namoyish etdilar.
Yosh ijodkorlar o‘z asarlarida tabiat go‘zalligi, inson va atrof-muhit o‘rtasidagi uyg‘unlik hamda ekologik mas’uliyat g‘oyalarini chuqur ifodalab, o‘zlarining ijodiy salohiyatini namoyon etdilar.
Ushbu tanlov talabalarimizning ekologik tafakkurini rivojlantirish, ijod orqali muhim ijtimoiy masalalarga e’tibor qaratish hamda tajriba almashishlari uchun muhim maydon bo‘lib xizmat qildi.
#Marifat_ulashib #Adabiy_kecha
👍 Muhammad al-Xorazmiy nomidagi Toshkent axborot texnologiyalari universiteti tomonidan Yunusobod tumani 265-umumta’lim maktabida Shoir va O‘zbekiston Yozuvchilar uyushmasi a’zosi Begali Eshonqulov ishtirokida “Ma’rifat ulashib” nomli adabiy-ma’rifiy uchrashuvlar bo‘lib o‘tdi.
🌳 Tadbir boshidan mehmonlarimiz maktabga tashrif buyurgan mahalla faollari va universitet mas’ullari hamrohligida “Yashil makon” loyihasi doirasida maktab bog‘iga ezgu niyatlar bilan ko‘chatlar ekishdi.
✅ Uchrashuv davomida ishtirokchilar she’riyat va adabiyot olamiga sayohat qilishdi, bilim ulashdilar va ko‘ngilochar suhbatlardan zavq olishdi. 
#Marifat_ulashib #Adabiy_kecha
👍 Muhammad al-Xorazmiy nomidagi Toshkent axborot texnologiyalari universiteti tomonidan Yunusobod tumani 260-umumta’lim maktabida Mohir adiba va jurnalist Dilfuza Qarshiboyeva ishtirokida “Ma’rifat ulashib” nomli adabiy-ma’rifiy uchrashuvlar bo‘lib o‘tdi.
🌳 Tadbir boshidan mehmonlarimiz maktabga tashrif buyurgan mahalla faollari va universitet mas’ullari hamrohligida “Yashil makon” loyihasi doirasida maktab bog‘iga ezgu niyatlar bilan ko‘chatlar ekishdi.
✅ Uchrashuv davomida ishtirokchilar she’riyat va adabiyot olamiga sayohat qilishdi, bilim ulashdilar va ko‘ngilochar suhbatlardan zavq olishdi.
#YashilMakon
“Yashil makon” loyihasi doirasida TATU jamoasi tomonidan amalga oshirilgan obodonlashtirish ishlaridan videolavha
600+ ko‘chat ekildi
Yashil muhit yaratildi
Yunusobod tumani, Oqtepa mahallasi
Eko-madaniyatni oshirish yo‘lida yana bir qadam!