Maqsadi:
- Dunyo talabi darajasidagi ta’lim berish, zamoviy tadqiqotlar olib borish, kreativ talant va liderlarni yetishtirish hamda ta’lim va ilm-fanni ishlab chiqarish bilan integratsiyalash orqali milliy, hududiy va xalqaro miqiyosda barqaror rivojlanish maqsadlariga erishish uchun hissa qo‘shish.
Vision:
Kelajakga yo‘naltilrilgan ta’lim – Kreativlik (Creativity)
- Muhammad al-Xorazmiy nomidagi Toshkent axborot texnologiyalari universiteti - talabalarning yuksak malakali mutaxassis bo‘lib etishishlari uchun zaruriy bo‘lgan akademik bilimlarni beruvchi hamda yurtimiz kelajagini faol ravishda shakllantiradigan ta’lim muassasasi. Universitet tomonidan taklif etilayotgan keng ko‘lamli fanlar talabalarga zamonaviy ta’limni beradi va o‘z navbatida universitetning ijtimoiy va global vazifalarini ifodalaydi. Uzluksiz ta’lim universitet ta’limining tarkibiy qismi sifatida umr bo‘yi izlanishga asos yaratadi. Innovatsiya tushunchasi universitetini doimiy ravishda takomillashtirib borish uchun muhim tamal sifatida ko‘riladi. Universitet professor-o‘qituvchilar va talabalar o‘rtasidagi muloqotlarni qo‘llab-quvvatlash orqali o‘qituvchilarning malakasini doimiy ravishda oshirib borishni yo‘lga qo‘yib, ta’lim sifatini jahon talablari darajasida bo‘lishiga intiladi.
Ilm-fanning innovatsion infratuzilmasi – Qobiliyat (Ability)
- Universitet ilm-fan va ishlab chiqarish o‘rtasida bilim va texnologiyalar almashinuvini qo‘llab-quvvatlash orqali kompaniyalar, universitetlar va universitetdan tashqari ilmiy-tadqiqot institutlari bilan strategik ittifoq tuzishga muhim ahamiyat qaratadi. Universitetda innovatsiyalarni spin-off orqali amalga oshirishni hamda kompaniyalar tashkil etishni qo‘llab quvvatlaydi.
Ma’naviy yetuk talantlarni yaratish – Yetuklik (Maturity)
- Universitet talaba-yoshlar orasida jamoatchilik muhokamalarini o‘tkazish orqali mintaqaviy va milliy tarmoqning bir qismi bo‘lishiga va jamiyat hayotida kreativ, faol hamda talantli mutaxassislarni o‘z o‘rnini topishga ko‘maklashadi, shuningdek o‘z bitiruvchilari bilan munosabatlarni saqlab turadi.
Raqamli Universitet – Shaffoflik (Transparency)
- “Raqamli Universitet” konseptsiyasi asosida Universitetning ta’lim, ilm-fan va boshqaruv jarayonlarini yangi biznes modellarini yaratish orqali DDM (Data Driven Management) yondashuvi asosida ma’lumotlarga asoslangan boshqaruvga o‘tish maqsadida raqamli texnologiyalar bilan uyg‘unlashgan shaffof universitet infratuzilmasini yaratishdan iborat.
Barqaror rivojlanish maqsadlariga hissa qo‘shish - BRM
- Zamonaviy va sifatli ta’lim berish, yangi innovatsion ishlanmalarni yaratish uchun ilmiy tadqiqotlar olib borish orqali Barqaror Rivojlanish Maqsadlariga milliy va xalqaroda miqiyosda erishishiga hissa qo‘shishda davom etadi.