Teleradioeshittirish tizimlari

Hozirgi kunda kafedrada qator dolzarb ilmiy tadqiqotlar va muammoli ilmiy loyihalar amalga oshirilmoqda: “Mobil aloqa tizimlari uchun kadrlar aro tasvirga ishlov berib veyvlet o‘zgartirish asosida videokodekni ishlab chiqish”, “Создание методик расчета ослабления радиоволн в тоннелях”, “Разработка действующей модели радиотехнической безэховой камеры”, “Модернизация научно практической лаборатории АФУ”, “Разработка технологии совместной установки антенн различных операторов на одной опоре”, “Разработка методик оценки качества обслуживания и зон уверенного приема станциями радиоконтроля”, “Разработка и создание измерительного стенда для тестирования работоспособности ВОЛС под воздействием окружающей среды”, “IP televidenie va mobil aloqa uchun televizion kodekning dasturiy ta’minotini ishlab chiqish”.

Xorijiy ilmiy tadqiqot markazlari grantlari va xorijiy ilmiy fondlari buyurtmalari asosida INTRAS, DECIDE, SPACECOM, IABS (ERASMUS) loyihalar amalga oshirilmoqda. Ushbu loyihalar doirasida kafedrada Avstriyaning Klagenfurt universiteti bilan almashinuv dasturi yo‘lga qo‘yilgan.

O‘zbekiston Respublikasi axborot texnologiyalari va kommunikatsiyalarni rivojlantirish vazirligi tashabbusi bilan an’anaviy tarzda o‘tkazib kelinadigan "Innovatsion g‘oyalar va loyihalar yarmarkasi-2015” da kafedra Toshkent axborot texnologiyalari universiteti nomidan «Antenna-fider qurilmalari» laboratoriyasida yaratilgan «Televidenie, radioeshittirish va aloqa tizimlari uchun antennalar» loyihasi bilan ishtirok etdi. Hozirgi kunda ushbu loyihani amalga oshirish yuzasidan "O‘zbektelekom” AK, hamda "UzDigital TV” korxonasi bilan tegishli ishlar olib borilmoqda.

2014-2015 o‘quv yilining birinchi semestrida kafedraning "Raqamli televidenie” o‘quv xonasida "IP-TV” laboratoriyasi ishga tushirildi.

Kafedra bakalavriat va magistratura talabalarini tayyorlash tizimini yanada takomillashtirish maqsadida ishlab chiqgan "Antenna-fider qurilmalari bo‘yicha o‘quv-amaliy laboratoriya” nomli loyiha Vazirlikning Axborot-kommunikatsiya texnologiyalarini rivojlantirish jamg‘armasi tomonidan moliyalashtirilmoqda. Kelajakda ushbu laboratoriyada talabalar simsiz telekommunikatsiya tizimlarining antenna-fider qurilmalari bilan ishlashda amaliy ko‘nikmalarga ega bo‘ladilar hamda sun’iy yo‘ldosh va yer usti raqamli teleeshittirish tizimlari antennalaridan foydalanishni va ularni sozlash usullarini o‘rganadilar. "Teleradioeshittirish tizimlari” kafedrasining o‘quv-uslubiy bazasi ham yildan-yilga professor-o‘qituvchilar tomonidan chop etilgan darsliklar, o‘quv qo‘llanmalar bilan boyib bormoqda.

Jumladan, t.f.n., dotsent Sh.Z. Tajiboev muallifligida o‘zbek tilida yaratilgan "Televideniye” darsligi, "Tasvirni tiklovchi qurilma”, "Tasvirni tiklovchi tuzilma”, "Zamonaviy telekommunikatsiya atamalari lug‘ati” kabi qator o‘quv qo‘llanmalar yaratilgan.

Kafedra dotsenti M.Z.Zuparov tomonidan oxirgi o‘n yillar davomida elektroakustika va radioeshittirish kurslari bo‘yicha bir qator darsliklar, o‘quv uslubiy qo‘llanmalar, ma’ruzalar matni o‘zbek va rus tillarida tayyorlangan va chop etilgan. Novosibirsk aloqa va informatika akademiyasi (Rossiya) professori G.P.Katunin bilan hamkorlikda elektroakustikaga oid rus va o‘zbek tillaridagi o‘quv qo‘llanma, elektroakustikaga oid ruscha-o‘zbekcha lug‘at yaratilgan. T.f.n.,dotsent M.Z. Zuparovning yorqin xotirasini yod etgan holda uning muallifligida lotin alifbosida yaratilgan "Elektroakustika va arxitektura akustikasi” nomli darslik 2014 yilda nashrdan chiqarilgan.

2015 yilda t.f.n.,professor A.A.Abduazizov va t.f.n., professor T.G.Raximov muallifligidagi "Radiotexnik tizimlar”, t.f.n,dotsent D.N.Likonsev va katta o‘qituvchi A.Sh.Shaxobiddinov hammualliflikda yaratgan "Radioto‘lqinlarning tarqalishi va antenna-fider qurilmalari” nomli o‘quv qo‘llanmalar chop etilgan. 2016 yilda dotsent X.S.Soatov tahriri ostida I.A.Gavrilov, T.G.Raximov, A.N.Puziy, X.X.Nosirov, SH.M.Kadirovlar muallifligida Raqamli televideniye darsligi 3 ko‘rinishda (rus tilida,o‘zbek tilida lotin va kiril alifbosida) nashrdan chiqarilgan. Kafedra professor-o‘qituvchilaridan A.Sh.Shaxobiddinov, U.X.Aripova, U.A.Umarov, A.N.Puziy, X.X. Nosirovlar doktorlik dissertatsiyasi ustida ilmiy tadqiqot ishlarini davom ettirmoqdalar. Kafedra dotsenti M.Z.Zuparov tomonidan oxirgi o‘n yillar davomida elektroakustika va radioeshittirish kurslari bo‘yicha bir qator darsliklar, o‘quv uslubiy qo‘llanmalar, ma’ruzalar matni o‘zbek va rus tillarida tayyorlangan va chop etilgan. Novosibirsk aloqa va informatika akademiyasi (Rossiya) professori G.P.Katunin bilan hamkorlikda elektroakustikaga oid rus va o‘zbek tillaridagi o‘quv qo‘llanma, elektroakustikaga oid ruscha-o‘zbekcha lug‘at yaratilgan. T.f.n.,dotsent M.Z. Zuparovning yorqin xotirasini yod etgan holda uning muallifligida lotin alifbosida yaratilgan "Elektroakustika va arxitektura akustikasi” nomli darslik 2014 yilda nashrdan chiqarilgan.

2015 yilda t.f.n.,professor A.A.Abduazizov va t.f.n., professor T.G.Raximov muallifligidagi "Radiotexnik tizimlar”, t.f.n,dotsent D.N.Likonsev va katta o‘qituvchi A.Sh.Shaxobiddinov hammualliflikda yaratgan "Radioto‘lqinlarning tarqalishi va antenna-fider qurilmalari” nomli o‘quv qo‘llanmalar chop etilgan. X.S.Soatov tahriri ostida "Raqamli televidenie” o‘quv qo‘llanmasi chop etildi. Kafedra professor- o‘qituvchilaridan A.Sh.Shaxobiddinov, U.X.Aripova, U.A.Umarov, A.N.Puziy, X.X. Nosirovlar doktorlik dissertatsiyasi ustida ilmiy tadqiqot ishlarini davom ettirmoqdalar.

“Antenna-fider qurilmalari” laboratoriya xonasi va fan o‘qituvchilari

“Raqamli televideniya” laboratoriyasi. (Professor Rahimov T.G. o‘z shogidlari bilan)

“Radioaloqa, radioeshittirish va televideniye markazi” DUK tomonidan tashkil etilgan ilmiy-texnik laboratoriyaning ochilish marosimidan lavhalar

“Radioaloqa, radioeshittirish va televideniye markazi” DUK tomonidan tashkil etilgan ilmiy-texnik laboratoriya

“Radioaloqa, radioeshittirish va televideniye markazi” DUK tomonidan tashkil etilgan ilmiy-texnik laboratoriyaning texnik imkoniyatlari bilan tanishtirish jarayoni

Kan Vitaliy Sergeevich tomonidan olib boriladigan “Yosh radiochi” to‘garagi

Erishilgan natijalar

Ilmiy faoliyat yutuqlari. Kafedrada qator dolzarb ilmiy tadqiqotlar va muammoli ilmiy loyihalar muntazam amalga oshirib kelinmoqda. Jumladan, “Raqamli tasvirlarni aloqa kanallari orqali uzatish uchun video kodek ishlab chiqish”, “O‘zbekistonda raqamli televidenie signallarining maydon taqsimotini tahlil qilish”, “O‘zbekiston Respublikasi uchun 470–862 MHz radiochastota diapazonidan raqamli yer usti radioeshittirish xizmatlari uchun foydalanish istiqbollari” nomli ilmiy-tadqiqot ishlari doirasida 2011–2013 yillar uchun mo‘ljallangan “Televidenie signallarini uzatuvchi va o‘lchovchi antennalarni ishlab chiqish” loyihasi muvaffaqiyatli yakunlandi.

2010 kafedra kata o‘qituvchisi U.X. Aripova O‘zbekiston Respublikasi intellectual mulk agentligi tomonidan “Kuchaytirgichli fotoo‘zgartirgich” nomdagi IAP 2010 0287 raqamli ixtiro uchun patent olishga muvaffaq bo‘ldi.

2014–2015 yillar uchun mo‘ljallangan “Mobil aloqa va raqamli televidenie uchun diskret nurlantiruvchi tizimlarni tadqiq qilish” mavzusidagi ilmiy loyiha ilmiy-texnik kengashdan o‘tkazildi. Kafedra tomonidan 2011–2015 yillarda dotsent X.S. Soatov rahbarligida “R-funksiyalar konstruktiv usuli asosida chiziqli va nochiziqli ko‘p o‘lchovli optimallashtirishda masalalarni yechish usullari va vositalarini ishlab chiqish”, I.A. Gavrilov rahbarligida esa “Tor polosali mobil va internet televidenie tizimlari uchun yuqori aniqlikdagi TV signal video va audio ma’lumotlarini ortogonal, fraktal va neyrotarmoq texnologiyalari asosida siqish usullari, algoritmlari va qurilmalarini ishlab chiqish” nomli istiqbolli ilmiy-texnik reja tayyorlandi.

Kafedra mudiri X.S. Soatov boshchiligida 2014–2015 o‘quv yilida “Raqamli televideniye” laboratoriyasida IP-TV tizimi ishga tushirildi. Shuningdek, kafedra bakalavriat va magistratura talabalarini tayyorlash tizimini yanada takomillashtirish maqsadida ishlab chiqilgan “Antenna texnologiyalari o‘quv-amaliy laboratoriyasi” loyihasi bilan Axborot-kommunikatsiya texnologiyalarini rivojlantirish jamg‘armasi tomonidan e’lon qilingan tanlovda g‘olib deb topildi. Bugungi kunda talabalar ushbu laboratoriyada simsiz telekommunikatsiya tizimlarining antenna-fider qurilmalari bilan ishlashda amaliy ko‘nikmalarni egallamoqdalar, sun’iy yo‘ldoshli va yer usti raqamli teleeshittirish tizimlarining antennalarini ekspluatatsiya qilish va ularni sozlash usullarini o‘rganmoqdalar.

2023–2024 o‘quv yilining aprel oyida ta’lim va ishlab chiqarish o‘rtasidagi hamkorlikni kuchaytirish, shuningdek, talaba-yoshlar uchun yetarli sharoitlar yaratish maqsadida “Radioaloqa, radioeshittirish va televideniye markazi” DUK tomonidan “Teleradioeshittirish tizimlari” kafedrasi qoshida ilmiy-texnik laboratoriya tashkil etildi. Ushbu laboratoriyaning asosiy elementlaridan biri bo‘lgan texnik majmua zamonaviy DVB-T2 standarti asosida raqamli televidenie signallarini kam quvvatli uzatgich orqali kichik zona ichida uzatish, uni tegishli qabul qiluvchi qurilmalar yordamida real vaqt rejimida qabul qilish imkoniyatini beradi. Bu orqali talabalar ENCODER, raqamli uzatgich, multipleksor kabi so‘nggi avlod qurilmalarining parametrlarini sozlash, ushbu sozlamalarning real vaqt rejimida signal sifatiga qanday ta’sir ko‘rsatishini amaliy baholash imkoniyatiga ega bo‘ladilar.

Kafedraning ilmiy-texnik va o‘quv-uslubiy bazasi yil sayin boyib bormoqda, Jumladan 2014 yilda dotsent M. Zuparov muallifligidagi “Elektroakustika va arxitektura akustikasi” nomli darslik (lotin va kirill alifbosida), 2015 yilda dotsent A.A. Abduazizov va dotsent T.G. Raximov hammuallifligida “Radiotexnik tizimlar” nomli o‘quv qo‘llanmaning 2-qismi, 2015–2016 yillarda kafedra mudiri dotsent X.S. Soatov umumiy tahriri ostida “Raqamli televideniye” nomli o‘quv qo‘llanma (o‘zbek va rus tillarida), 2019–2024 yillarda dotsent U.X. Aripova tomonidan “Antenna asoslari” va “Antennalar va radioeshittirish” nomli o‘quv qo‘llanmalar chop etildi.

2016–2024 yillar mobaynida kafedra professor-o‘qituvchilaridan X.X. Nosirov, U.X. Aripova, A.Sh. Shaxobiddinov, A.N. Puziy, A.A. Berdiyev, A.T. Babajanovalar nomzodlik dissertatsiyalarini muvaffaqiyatli himoya qilib, falsafa doktori (PhD) ilmiy darajasiga ega bo‘ldilar.

2016 yilda B.N. Raximov va 2024 yilda X.X. Nosirovlar doktorlik dissertatsiyalarini muvaffaqiyatli himoya qilib, texnika fanlari doktori (DSc) ilmiy darajasiga sazovor bo‘ldilar.

Hozirda kafedraning quyidagi doktorantlari ilmiy-tadqiqot ishlarini X.G. G‘aziev, E.I. Norov, J.D. Xudoyberganov, Sh.E. Toshmetov, D.B. Ibragimov, S.K. Kengesbaevlar va mustaqil tadqiqotchi A.X. Ahmedova davom ettirmoqdalar.

Kafedrada iqtidorli talabalar bilan ishlash. “Teleradioeshittirish tizimlari” kafedrasining professor-o‘qituvchilari har o‘quv yilida o‘nga yaqin iqtidorli talabaga ilmiy rahbar etib biriktiriladi. O‘tgan yillar davomida dotsent Sh.Z. Tojiboev, dotsent V.S. Miraxmedov, dotsent I.A. Gavrilov, dotsent M.Z. Zuparov, dotsent E.B. Maxmudov, dotsent T.G. Raximov, dotsent D.N. Likonsev, dotsent V.A. Gubenko, B.N. Raximov va X.X. Nosirovlar ko‘plab iqtidorli talabalar ustida ilmiy rahbarlik qilishgan.

Mazkur rahbarliklar samarasi o‘laroq, iqtidorli talabalar orasidan ko‘plab soha korxonalari tomonidan tashkil etilgan hamda nomdor davlat stipendiyalariga sazovor bo‘lgan yosh mutaxassislar yetishib chiqdi. Jumladan:

2011 yilda dotsent I.A. Gavrilov ilmiy rahbarligida magistrant X.X. Nosirov O‘zbekiston Respublikasi Prezidenti stipendiyasi sohibi bo‘ldi;

2012 yilda iqtidorli talaba X.R. Davletova hamda 2013 yilda D.B. Bobobekovalar Beruniy nomli davlat stipendiyasiga sazovor bo‘lishdi;

Oʻzbekiston Respublikasi Oliy va oʻrta maxsus taʼlim vazirligining 2021-yil 22-yanvardagi 1/1 sonli Hayʼat qarori bilan Berdiyev Alisher Aliqulovich tayanch doktorantlar ichida Tabiiy fanlar, axborot texnologiyalari va boshqaruv yoʻnalishi boʻyicha Oʻzbekiston Respublikasi Prezidenti stipendiyasi sohibi boʻldi;

2022 yilda esa kafedra magistranti M.Rixsiboyev O‘zbekiston Respublikasi Prezidenti stipendiyasini qo‘lga kiritdi.

Davlat va soha mukofotlari. 2008-yil kafedra dotsenti V.A. Gubenko O‘zbekiston Respublikasi Aloqa va axborotlashtirish agentligi tomonidan “O‘z kasbining ustasi” ko‘krak nishoni belgisi bilan taqdirlandi.

2018-yil kafedra kata o‘qituvchisi V.S. Kan O‘zbekiston Respublikasi Prezidentining farmoniga binoan “Shuhrat” medali bilan mukofotlandi.

 2018-yil kafedra kata o‘qituvchisi V.S. Kan O‘zbekiston Respublikasi Aloqa va axborotlashtirish agentligi tomonidan “O‘z kasbining ustasi” ko‘krak nishoni belgisi bilan taqdirlan

2022-yil kafedra katta o‘qituvchisi A.A. Berdiyev O‘zbekiston Respublikasi aloqa axborotlashtirish va kommunikatsiyalarini rivojlantirish vaziri tomonidan “Faxriy yorliq” bilan taqdirlandi.

Xalqaro hamkorlik. Bugungi kunda kafedra AQSh, Germaniya, Italiya, Polsha, Slovakiya, Portugaliya, Litva, Belarus, Xitoy, Janubiy Koreya va Avstriya kabi davlatlarning nufuzli oliy ta’lim muassasalari bilan xalqaro aloqalarni amalda rivojlantirib kelmoqda. Ushbu davlatlardagi universitetlar bilan almashinuv, stajirovka, ilmiy hamkorlik va grant loyihalari bo‘yicha barqaror aloqalar yo‘lga qo‘yilgan.

Xususan, Avstriyaning Klagenfurt Universiteti bilan yaqin ilmiy-pedagogik hamkorlik o‘rnatilgan bo‘lib, 2021-yildan boshlab 1+1 qo‘shma magistratura dasturi muvaffaqiyatli amalga oshirilmoqda. Mazkur dastur doirasida magistrantlari bir yillik ta’limni TATUda, qolgan bir yilligini esa Klagenfurt universitetida tamomlab, ikki tomonlama diplom olish imkoniyatiga ega bo‘lmoqdalar. Hozirgi kungacha ushbu dastur bo‘yicha 16 nafar magistrant muvaffaqiyatli tahsil olib, o‘qishlarini yakunlab qaytishgan.

Yevropa Ittifoqi Erasmus+ dasturining SPACECOM (Space Systems and Communications Engineering) loyihasi doirasida “Teleraadioeshittirish tizimlari” kafedrasi xalqaro hamkorlik sohasida muhim yutuqlarga erishdi. 2019–2023 yillarda amalga oshirilgan ushbu loyiha O‘zbekiston oliy taʼlim muassasalari tomonidan boshqarilgan birinchi grantga asoslangan CBHE (Capacity Building in Higher Education) tashabbusi bo‘lib, Muhammad al-Xorazmiy nomidagi Toshkent axborot texnologiyalari universiteti tomonidan muvofiqlashtirildi. Loyiha rahbari sifatida DSc, dotsent X.X. Nosirov faoliyat olib bordi hamda u Yevropa Ittifoqining Erasmus+ dasturini O‘zbekistonda muvofiqlashtiruvchi NEO Uzbekistan tashkiloti tomonidan rasmiy ekspert sifatida tan olindi.

Kafedra a’zolari loyiha doirasida Yevropaning yetakchi oliy ta’lim muassasalarida malaka oshirish kurslarida ishtirok etishdi, shuningdek, xalqaro konferensiyalar va seminarlar orqali tajriba almashdilar. Ushbu faoliyatlar natijasida kafedraning ilmiy salohiyati oshdi, xalqaro hamkorlik aloqalari kengaydi va talabalarga zamonaviy bilimlar berish imkoniyati yaratildi. SPACECOM loyihasi doirasida amalga oshirilgan ishlar kafedraning xalqaro miqyosdagi nufuzini oshirdi va O‘zbekiston oliy ta’lim tizimida muhim o‘rin egallashiga xizmat qildi.

Xalqaro stajirovkalar va almashinuv dasturlari. “Teleradioeshittirish tizimlari” kafedrasi professor-o‘qituvchilari va doktorantlari so‘nggi yillarda xalqaro malaka oshirish, stajirovka va ilmiy-akademik almashinuv dasturlarida faol ishtirok etib kelmoqdalar. Bu jarayon nafaqat o‘qituvchilarning pedagogik va ilmiy salohiyatini oshirish, balki kafedra faoliyatiga xorijiy tajriba va innovatsion yondashuvlarni olib kirish imkonini bermoqda.

2014-yil. Kafedra assistenti A.A. Berdiyev Koreya Respublikasining SeoulTech Universitetida qisqa muddatli malaka oshirish dasturida ishtirok etdi. Ushbu stajirovka davomida raqamli teleeshittirish texnologiyalari va zamonaviy antenna tizimlari bo‘yicha amaliy ko‘nikmalar olindi.

2016-yil. Kafedra professori B. Raximov va assistent D. Ibragimov Belarus Respublikasining Belarus State University of Informatics and Radioelectronics (BGIUR) oliy o‘quv yurti huzurida o‘tkazilgan xalqaro malaka oshirish kurslarida ishtirok etishdi.

2019–2023-yillar. Kafedra a’zolari E.Norov, Sh.Tashmetov, A.Puziy, A.Berdiyevlar Erasmus+ CBHE SPACECOM (Space Systems and Communication Engineering) loyihasi doirasida Yevropa va Markaziy Osiyo davlatlaridagi hamkor OTMlarda o‘quv-uslubiy va tadqiqot faoliyatlarida qatnashdilar. Kafedra professor-o‘qituvchilari Avstriya, Slovakiya, Fransiya va Litva universitetlarida trening dasturlarida ishtirok etdilar.

2023-yil. Kafedra doktoranti Rixsivoyev Mohirjon Alisher o‘g‘li Slovakiyaning Kosice Universitetida 5 oylik exchange dasturida ishtirok etish huquqini grant asosida qo‘lga kiritdi.

2024-yil. Kafedra mudiri A.A. Berdiyev Xitoy Xalq Respublikasining Wuhan Post & Telecommunications Institutida 2024-yil 7-iyuldan 19-iyulgacha malaka oshirdi. Shu yili 1-oktabrdan 30-noyabrgacha Janubiy Koreyaning Gachon Universitetida ikki oylik xalqaro stajirovka dasturida qatnashdi.

Universitetning 19.01.2024-yil kungi №61-01 buyrug‘iga binoan, kafedra doktoranti M.A. Rixsivoyev AQShning Harvard Universitetida o‘tkazilgan “Harvard College Project for Asian and International Relations” xalqaro konferensiyasida ishtirok etish uchun yo‘llanmani qo‘lga kiritdi.

Kafedra dotsentlari Sh. Begmatov, M. Arabboyev, shuningdek, doktorant R.M. Rixsivoyevlar Avstriyaning Klagenfurt Universitetida ikki oylik malaka oshirish va akademik stajirovka dasturlarini tamomladilar.

2025-yil. Kafedra dotsenti A.Berdiyev AQSH ning Tennessee universitetida FEP dasturi asosida o‘z bilim va ko‘nikmasini oshirib keldi.

Ushbu stajirovka va xalqaro faoliyatlar kafedraning global ta’lim makoniga integratsiyalashuviga xizmat qilgan bo‘lib, xorijiy tajribalarni kafedra dasturlariga samarali tatbiq etishga, o‘quv jarayonini yangilashga va xalqaro ilmiy hamkorlikni mustahkamlashga yo‘naltirilgan.

Nufuzli tanlovlar va musobaqalar. Kafedraning yosh xodimlari o‘z bilim va intellektual salohiyatlarini nufuzli tanlovlar va musobaqalarda namoyon etib, faxrli natijalar bilan qaytmoqdalar. 2024-yil Kafedra assistenti M. Alimuhammedova aloqa va AKT sohasi korxonalari o‘rtasida o‘tkazilgan “Zakovat” intellektual o‘yinida ishtirok etib, yil yakunlari bo‘yicha 1-o‘rinni qo‘lga kiritdi. Kafedra doktoranti M. Rixsiboyev Turkiyada o‘tkazilgan “TechnoFest” xalqaro innovatsion ko‘rgazmasida o‘z ilmiy ishlanmasi bilan ishtirok etib, faxrli 1-o‘rin sohibi bo‘ldi. Bundan tashqari M. Rixsiboyev Saudiya Arabistonida tashkil etilgan “Huawei Days” xalqaro texnologik tanlovida qatnashib, kuchli raqobatchilar orasida faxrli 2-o‘rinni egalladi.

Kafedra rivoji uchun o‘z hissasini qo‘shgan shaxslar

Shokir Zoidovich Tojiboev (1934–2022). Shokir Zoidovich Tojiboev 1934 yil 19 avgust kuni Toshkent shahrida tug‘ilgan. 1954 yilda Toshkent aloqa texnikumini muvaffaqiyatli tamomlab, imtiyozli yo‘llanma asosida Novosibirsk elektrotexnika aloqa institutiga o‘qishga qabul qilingan. 1960 yilda ushbu institutni radioaloqa muhandisligi mutaxassisligi bo‘yicha tugatib, mehnat faoliyatini Toshkent televideniye markazida muhandislikdan boshlagan.

1969 yilda Moskva elektrotexnika aloqa instituti aspiranturasida ilmiy tadqiqot ishini muvaffaqiyatli himoya qilib, texnika fanlari nomzodi ilmiy darajasiga sazovor bo‘lgan. O‘zbekistonda televideniye sohasi bo‘yicha ilk yetuk mutaxassis sifatida Toshkent elektrotexnika aloqa institutiga yuborilgan.

Iqtidorli yosh olim institutning “Radiotarqatish va televideniye” kafedrasida katta o‘qituvchi lavozimida mehnat faoliyatini boshlagan. 1972 yilda unga dotsent unvoni berilgan. U 1970–1980 yillarda ushbu kafedraning mudiri, 1980–1985 yillarda esa “Radioaloqa, radiotarqatish va televideniye” fakulteti dekani lavozimlarida faoliyat olib borgan.

Iqtidorli yosh olim institutning “Radiotarqatish va televideniye” kafedrasida katta o‘qituvchi lavozimida mehnat faoliyatini boshladi. 1972 yilda dotsent unvoniga sazovor bo‘ldi. U 1970–1980 yillarda shu kafedraning mudiri, 1980–1985 yillarda “Radioaloqa, radiotarqatish va televideniye” fakulteti dekani lavozimlarida faoliyat yuritdi.

Shu bilan bir vaqtda jamoat ishlarida faol qatnashdi. 1970–1975 yillarda Respublika talabalar ilmiy jamiyati kengashiga rais, 1975–1990 yillarda Respublika “Bilim” jamiyatida “Targ‘ibotda texnik vositalarni ishlatish metodikasi” kengashi raisi sifatida jamoat ishlarini olib bordi.

Shokir Zoidovich Tojiboevning aloqa sohasidagi xizmatlari hukumatimiz tomonidan munosib taqdirlanib: “Faxriy radist”, “O‘zbekistonda xizmat ko‘rsatgan aloqachi”, “O‘z kasbining ustasi”, “O‘zbekistonda xizmat ko‘rsatgan yoshlar murabbiysi” unvonlariga sazovor bo‘lganlar.

Buyuk iste’dod egasi, O‘zbekiston televideniyesining otaxoni, ixtirochi, salohiyatli olim va mehribon ustoz Shokir Zoidovich Tojiboev o‘zining 70 yillik mehnat faoliyati davomida quyidagilar muallifi bo‘lgan: 2 ta monografiya, Televideniye yo‘nalishida O‘zbekistonda yagona bo‘lgan o‘zbek tilidagi darslik, 16 ta o‘quv qo‘llanma, 20 dan ortiq uslubiy qo‘llanma, 4 ta ixtiro, 10 ga yaqin ratsionalizatorlik taklifi, 200 dan ortiq ilmiy maqola, 40 ta ilmiy-uslubiy maqola.

Gabzalilov Galiy Faxretdinovich, texnika fanlari nomzodi, dotsent. U 1939 yil 17 noyabrda Bashqirdiston Respublikasining Karmaskalin tumanidagi Sharaev qishlog‘ida tug‘ilgan.

1954 yilda 7-sinfni tamomlagach, Sverdlovsk radiotexnikumiga o‘qishga kirgan va uni 1958 yilda muvaffaqiyatli tamomlagach, muddatli harbiy xizmatga chaqirilgan. Xizmatini yakunlagach, 1961 yilda Toshkent elektrotexnika aloqa institutiga o‘qishga kirib, 1966 yilda institutni tugatgan.

Shu yilning o‘zida u yana harbiy xizmatga (ofitser tarkibida) chaqirilib, Toshkent viloyatidagi “Qizil suv toshqini” nomli harbiy qismda radio-byuroning komandiri lavozimida xizmat qilgan.

1968 yilda Gabzalilov G.F. Toshkent elektrotexnika aloqa institutida o‘qituvchi sifatida mehnat faoliyatini boshlagan. U butun mehnat faoliyati davomida ushbu institutda ishlagan, assistent lavozimidan boshlab “Chiziqli elektr zanjirlar nazariyasi” kafedrasining mudiri, keyinchalik esa “Antenna-fider qurilmalari va elektrodinamika” kafedrasining mudiri darajasigacha ko‘tarilgan.

U, shuningdek, Toshkent teleminorasining radio va televizion antennalarini ishlab chiqish bo‘yicha maslahat beruvchi muhandislardan biri bo‘lgan. Bu antennalarni o‘rnatish va efirga uzatish jarayonlarida u me’moriy yodgorlikka zarar yetkazmagan holda ishlashga muvaffaq bo‘lgan.

Gabzalilov Galiy Faxretdinovich o‘z ilmiy faoliyatining katta qismini mikroto‘lqinli nurlanish yordamida saraton kasalliklarining erta bosqichlarini davolash uchun mo‘ljallangan maxsus tibbiy uskunalarni tadqiq qilishga bag‘ishlagan.

Uning muallifligida antennalar va mikroto‘lqinli nurlanishlar mavzusiga bag‘ishlangan bir qator ilmiy maqolalar, o‘quv qo‘llanmalar va monografiyalar yozilgan. Gabzalilov G.F. ilmiy rahbarligida ikki nafar tadqiqotchi nomzodlik dissertatsiyasini muvaffaqiyatli himoya qilgan.

Galiy Faxretdinovich Gabzalilov kafedra o‘qituvchilari, shogirdlari va talabalarining chuqur hurmati va samimiy mehriga sazovor rahbar bo‘lgan. Uning samarali mehnatlari "Faxriy Radiochi" unvoni bilan mukofotlangan.

Texnika fanlari nomzodi, dotsent, professor Tohir G‘ofurovich Raximov (1946–2021). Tohir G‘ofurovich Raximov 1969 yilda Toshkent elektrotexnika aloqa institutini tamomlab, yo‘llanma asosida Moskva elektrotexnika aloqa instituti aspiranturasiga o‘qishga qabul qilingan. 1973 yilda aspiranturaning ilmiy bosqichini muvaffaqiyatli yakunlab, Toshkent elektrotexnika aloqa institutiga qaytgan hamda “Televideniya va radioeshittirish” kafedrasida assistent lavozimida mehnat faoliyatini boshlagan.

O‘tgan yillar davomida Tohir G‘ofurovich yirik mutaxassis, tashabbuskor rahbar va faol jamoatchi sifatida o‘zining chuqur bilim va boy tajribasini turli darajadagi mas’ul lavozimlarda qo‘llagan. holda O‘zbekiston Respublikasi aloqa vaziri, O‘zbekiston Respublikasi tashqi iqtisodiyot vaziri, “Mahalliy Telekom” aksiyadorlik jamiyati bosh direktori, Radioaloqa, radioeshittirish va televideniye markazi direktori, Xalqaro aloqa akademiyasining vitse-prezidenti lavozimlarda samarali faoliyat yuritgan:

2008 yildan umrining oxirigacha u Muhammad al-Xorazmiy nomidagi Toshkent axborot texnologiyalari universitetining “Teleradioeshittirish tizimlari” kafedrasida professor lavozimida faoliyat yuritgan.

Tohir G‘ofurovich Raximov rahbarligida kafedraning moddiy-texnik bazasi tubdan yangilangan. U pedagogik faoliyati davomida o‘nlab ilmiy va ilmiy-uslubiy qo‘llanmalarni yaratgan, 50 dan ortiq bakalavrlik va magistrlik bitiruv ishlariga ilmiy rahbarlik qilgan.

Uning hammuallifligida yaratilgan “Radiotexnik tizimlar” hamda “Raqamli televideniye” nomli o‘quv qo‘llanmalari o‘zbek va rus tillarida chop etilgan va oliy ta’lim tizimida keng qo‘llanilgan.

Professor Raximov o‘z shogirdlariga mehribon, shu bilan birga talabchan ustoz bo‘lgan. Uning rahbarligida o‘qigan shogirdlar orasidan ikki nafari Muhammad al-Xorazmiy nomidagi stipendiya,

bir nafari Beruniy davlat stipendiyasi, yana bir nafari O‘zbekiston Respublikasi Prezidenti davlat stipendiyasi sohibi bo‘lgan.

Tohir G‘ofurovich Raximovning aloqa va axborotlashtirish sohasida amalga oshirgan fidokorona xizmatlari hukumatimiz tomonidan yuksak e’tirof etilib, u “O‘zbekiston Respublikasida xizmat ko‘rsatgan aloqa xodimi”, “Xizmat ko‘rsatgan faxriy radiotexnik”, O‘zbekiston Respublikasi mustaqilligining ko‘krak nishoni, “Xalqaro aloqa akademiyasining oltin medali” sovrindori, faxriy unvon va mukofotlarga sazovor bo‘lgan.

Zuparov Masud Zuparovich (1939-2012). O‘zbekiston aloqa sohasi rivoji va aloqa muhandislarini yetishtirish yo‘lida fidokorona mehnat qilgan atoqli pedagog va olim. U 1962-yilda Toshkent elektrotexnika aloqa institutini “Radioaloqa va radioeshittirish muhandisligi” yo‘nalishi bo‘yicha tamomlab, butun umr faoliyatini shu muassasaga bag‘ishladi.

Mehnat faoliyatini laboratoriya mudiri sifatida boshlagan M. Zupаrov keyinchalik kafedra assistenti, Moskva elektrotexnika aloqa instituti aspiranti bo‘ldi va 1971-yilda nomzodlik dissertatsiyasini muvaffaqiyatli himoya qilib, institutga qaytdi. U ko‘p yillar davomida kafedra mudiri, fakultet dekani, universitetning ma’naviyat va ma’rifat ishlari bo‘yicha prorektori, ichki nazorat va monitoring bo‘limi boshlig‘i lavozimlarida samarali faoliyat olib bordi. Shu bilan birga, u bir necha yil davomida Markaziy Osiyo telekommunikatsiya o‘quv markazi direktori lavozimida ham ishlab, mintaqaviy ta’lim tizimiga katta hissa qo‘shdi.

Umrining 50 yilini universitetga bag‘ishlagan M. Zupаrov o‘nlab bakalavr va magistrlarni yetishtirib, ularni aloqa va telekommunikatsiya sohasining peshqadam mutaxassislariga aylantirdi.

1. Zupаrov o‘z faoliyati davomida “TEMPUS”, “TACIS”, “LIBANTA” kabi xalqaro loyihalarda faol ishtirok etgan. 2004-yilda telekommunikatsiya sohasida MDH davlatlari o‘rtasidagi hamkorlikni rivojlantirishdagi hissasi uchun Xalqaro aloqa akademiyasi a’zoligiga qabul qilindi. Shuningdek, u Sibir aloqa akademiyasi akademigi va Novosibirsk aloqa va axborotlashuv universiteti professori G.I. Katunin bilan hamkorlikda yozgan “Elektroakustika” o‘quv qo‘llanmasi 2006-yilda Respublika tanlovida III-darajali diplom bilan taqdirlangan.
2. Zupаrov 100 dan ortiq ilmiy va ilmiy-uslubiy ishlar, 10 dan ortiq o‘quv qo‘llanmalarning muallifi hisoblanadi. Uning asarlari nafaqat TATUda, balki uning hududiy filiallarida ham keng qo‘llaniladi. “Radioeshittirish” va “Elektroakustika” sohalariga oid birinchi izohli lug‘at, hamda lotin alifbosidagi ilk o‘zbek tilidagi darsliklar yaratgan fidoyi mutaxassis edi.

Bugungi kunda M. Zupаrovning ko‘plab shogirdlari respublika miqyosidagi telekommunikatsiya, axborotlashtirish, va aloqa texnologiyalari sohasida yetakchi muhandis va rahbar sifatida faoliyat yuritmoqdalar. U kishining halol mehnati “Mohir aloqachi”, “Faxriy radiotexnik” kabi yuksak davlat mukofotlari bilan taqdirlangan. Masud Zupаrov nafaqat universitet tarixida, balki butun respublika aloqa sohasi taraqqiyotida o‘z nomini oltin harflar bilan muhrlagan buyuk ustoz va olim bo‘lib qoldi.

Soatov Xoliq Sodiqovich tomonidan kafedrada olib borilgan ishlar alohida e’tirofga loyiq. 2015–2018-yillar oralig‘ida kafedra mudiri sifatida faoliyat olib borgan hamda ustoz-olim sifatida ham, tashabbuskor rahbar sifatida ham kafedraning ilmiy, metodik va moddiy-texnik salohiyatini yangi bosqichga olib chiqishga xizmat qilgan muhim islohotlarga boshchilik qilgan.

U kishining mudirlik faoliyati davomida kafedrada ilmiy izlanishlar va himoyalar faollashdi. Jumladan, 2 nafar PhD dissertatsiyasi — A. Shaxobiddinov va A. Puziy, shuningdek, 1 nafar DSc dissertatsiyasi — B. Rahimov tomonidan muvaffaqiyatli himoya qilindi. Bu holat kafedra tarixida ilmiy salohiyatning izchil o‘sishini namoyon etgan muhim davr bo‘ldi.

Soatov X.S. rahbarligida o‘quv-metodik bazani mustahkamlash borasida ham salmoqli ishlar amalga oshirildi. Jumladan, “Raqamli televideniye” faniga oid ikki tilda — o‘zbek va rus tillarida tayyorlangan o‘quv qo‘llanma chop etildi. Bu nashr nafaqat talaba va magistrantlar uchun, balki sohaga yangi kirib kelayotgan mutaxassislar uchun ham muhim metodik manbaga aylandi.

Bundan tashqari, malaka oshirish kurslari uchun o‘quv-metodik komplekslar ishlab chiqildi va tasdiqdan o‘tkazildi. Bu hujjatlar asosida respublika miqyosida amaliyotchi mutaxassislar uchun qisqa muddatli kurslar o‘tkazish imkoniyati yaratildi.

Soatov X.S. rahbarligida kafedrada ilm-fanga qiziqish kuchaydi, professor-o‘qituvchilar va yosh tadqiqotchilar ilmiy loyihalarda faol ishtirok eta boshladilar, xalqaro hamkorlik aloqalari mustahkamlandi. Aynan uning tashabbuslari bilan kafedra hayotida innovatsion yondashuvlar, ilmiy tashabbuslar va texnologik yangiliklarni joriy etishga keng yo‘l ochildi.

Kafedraning keyingi yillardagi taraqqiyoti va xalqaro miqyosdagi faolligi uchun asos bo‘lgan barqaror ilmiy-madaniy muhit aynan Soatov Xoliq Sodiqovich rahbarlik davrida shakllandi.

Kan Vitaliy Sergeevich — 1979 yildan beri universitetda samarali faoliyat yuritib kelayotgan fidokor murabbiy. V.S. Kan “Teleradioeshittirish tizimlari” kafedrasida o‘qitiladigan barcha fanlardan yuqori saviyada ma’ruza hamda amaliy mashg‘ulotlar olib boradi.

U o‘nlab o‘quv va o‘quv-uslubiy qo‘llanmalar muallifi hisoblanadi. Uning 40–45 yildan ortiq mehnat faoliyatining asosiy qismi “Antenna-fider qurilmalari” va “Elektromagnit maydonlar va to‘lqinlar” laboratoriyalarida kechgan. Har qanday murakkab tuzilishga ega bo‘lgan radiotexnik qurilmalar bilan ishlay oladigan bilimli va tajribali mutaxassis, mohir pedagog sifatida tanilgan.

Kafedra tarkibidagi barcha laboratoriyalar V.S. Kanning fidokorona mehnati tufayli doimiy ravishda ilmiy tadqiqotlar uchun tayyor holatda turadi. Ayni vaqtda kafedrada zamonaviy ilmiy tadqiqotlar olib borilmoqda, xususan, o‘ta yuqori chastota diapazonlari uchun mo‘ljallangan yangi avlod antennalari ishlab chiqilmoqda.

Shuningdek, Vitaliy Sergeevich “Radio va mobil aloqa” fakulteti tarkibida tashkil etilgan “Radist” to‘garagining asoschisi hisoblanadi. Uning bevosita rahbarligi ostida yuzlab iqtidorli talabalar o‘zlarining yaratuvchan va ratsionalizatorlik ishlanmalari bilan universitet va respublika miqyosida o‘tkazib kelinadigan xalqaro ilmiy-amaliy ko‘rgazmalarning doimiy ishtirokchilari va sovrindorlariga aylangan.

O‘zbekiston mustaqillikka erishgan dastlabki yillardan boshlab kafedraning professor-o‘qituvchilar tarkibini milliy kadrlar bilan ta’minlashdek sharafli ishda ham V.S. Kan katta hissasini qo‘shgan.

Kan Vitaliy Sergeevichning ko‘p yillik samarali mehnatlari hukumatimiz tomonidan “Shuhrat” medali hamda Raqamli texnologiyalar vazirligi tomonidan “O‘z kasbining ustasi” ko‘krak nishoni bilan.munosib taqdirlangan.

Kan Vitaliy Sergeevich va Shaxobiddinov Alisher Shopatxiddinovichning tinimsiz izlanishlari natijasida: antenna-fider qurilmalarini qurish, fazalashtirilgan antenna panjaralarini loyihalash, mavjud televizion antennalarning yo‘nalganlik diagrammalarini korrektsiyalash, yirik shahar sharoitida radioto‘lqinlarning tarqalish xususiyatlarini tadqiq etish, radio va televizion eshittirish zonalarini hisoblash, radioob’ektlarning ekologik pasportlarini tayyorlash bo‘yicha amaliy va ilmiy ishlar olib borilgan. O‘quv jarayoni uchun virtual va amaliy laboratoriya maketlari tayyorlangan va talabalarga taqdim etilgan.

Gavrilov Igor Aleksandrovich — mamlakatning kosmik sohasida video-pozitsiyalash usullarini ishlab chiqishda ishtirok etgan, televideniye yo‘nalishida yuqori malakali mutaxassis hisoblanadi. U televizion tasvirlarni qayta ishlash sohasidagi to‘rtta muvaffaqiyatli ilmiy loyihaga rahbarlik qilgan. O‘z ustozining munosib izdoshi sifatida, ya’ni akademik Yu.S. Sagdullayevning ilmiy an’analarini davom ettirgan holda, u Raqamli televideniye va radiouzatish bo‘yicha ilmiy-tadqiqot laboratoriyasiga asos solgan. Ushbu laboratoriyada 2009–2018 yillarda Davlat ilmiy-tadqiqot dasturlari doirasida keng ko‘lamli ilmiy ishlar olib borilgan.

Mazkur laboratoriya faoliyatida ko‘plab iqtidorli talabalar ishtirok etgan bo‘lib, ular orasida Prezident stipendiyasi sovrindori, hozirda TATU “Radio va mobil aloqa” fakulteti dekani, texnika fanlari doktori, dotsent Nosirov Xabbibullo; “Radiotexnik aloqa” MTB stipendiatlari — hozirgi kunda “TRET” kafedrasi dotsenti, PhD Puziy Anastasiya, “E va S” kafedrasi katta o‘qituvchisi Foziljonov Xojiakbar; Beruniy va “East-Telecom” kompaniyasi stipendiatlari — hozirda “TI” kafedrasi o‘qituvchilari Davletova Xolisaxon va PhD Bobobekova Diyorabegim; “Huawei” kompaniyasi stipendiatlari — Ibragimov Radmir, Azimova Shaxzoda va Vasilieva Anastasiya; “East-Telecom” kompaniyasi stipendiatlari — Mansurova Mariya va Kim Marina; “Radiotexnik aloqa” MTB stipendiatlari — Suvorova Mariya, Savitskaya Darya, Shevaldova Veronika, Otto Svetlana, Astashev Evgeniy; shuningdek, “O‘zAAA” stipendiatlari — Kabanova Yuliya, Nazarova Kamila, Chernyshov Aleksandr, Lisunov Anton va boshqa ko‘plab yosh mutaxassislar faoliyat yuritgan. Bugungi kunda ularning barchasi o‘z sohalarining yetakchi vakillariga aylangan.

Hozirda ushbu laboratoriyada I.A. Gavrilovning shogirdlari tomonidan yangi loyihalar olib borilmoqda. Bu loyihalarda u bevosita maslahat beruvchi, yoshlar ustozi sifatida qatnashmoqda. O‘z faoliyati davomida u iqtidorli talabalarni o‘qitishda sadoqatli va individual yondashuvga asoslangan metodikani yo‘lga qo‘ygan. Talabalarda tahliliy fikrlash, texnik ko‘nikmalar va nostandart muammolarga yechim topish malakalarini shakllantirishga alohida e’tibor qaratgan.

Gavrilov Igor Aleksandrovich — raqamli televideniye va video axborotni qayta ishlash yo‘nalishlarida dars berishda foydalanilayotgan ko‘plab o‘quv qo‘llanmalar, monografiyalar va darsliklar muallifidir. Uning asarlari o‘zbek va qoraqalpoq tillariga tarjima qilingan. Shuningdek, u 200 dan ortiq ilmiy ishlar, shu jumladan Yevropaning yetakchi ilmiy bazalarida chop etilgan maqolalar va tezislar muallifi hisoblanadi.

Uning rahbarligi ostida raqamli televideniye va video siqish yo‘nalishlarida talabalar uchun mo‘ljallangan virtual va amaliy laboratoriya ishlarining o‘quv jarayoniga joriy etilishi ta’minlangan.

I.A. Gavrilovning barcha ilmiy-pedagogik faoliyati Toshkent axborot texnologiyalari universitetining “Televideniye” kafedrasi bilan bevosita bog‘liq. U nafaqat yetuk mutaxassis, ilmiy rahbar va mohir pedagog, balki talabalar va hamkasblar orasida doimo yordamga tayyor, insoniylik fazilatlari bilan hurmat qozongan ustoz sifatida tan olingan.

ISHLAB CHIQARISH BILAN HAMKORLIK

“Teleradioeshittirish tizimlari” kafedrasi ta’lim, fan va ishlab chiqarish integratsiyasini ta’minlash maqsadida sohaning eng yirik va yetakchi korxonalari bilan strategik hamkorlik aloqalarini o‘rnatgan. Ushbu hamkorlik doirasida talabalar o‘quv-tanishuv va bitiruv-oldi amaliyotlarini bevosita real ish jarayonida o‘taydilar, professor-o‘qituvchilar esa ishlab chiqarish muammolariga qaratilgan ilmiy yechimlar ustida ishlaydilar.

Kafedraning asosiy hamkor korxonalari:

• UZTELECOM (“O‘zbektelekom” AK): Respublikamizning milliy aloqa operatori bilan telekommunikatsiya tarmoqlarini rivojlantirish va mutaxassislar tayyorlash bo‘yicha yaqin hamkorlik qilinadi.
• MTRK (O‘zbekiston Milliy teleradiokompaniyasi): Teleradioeshittirish texnologiyalari, studiya qurilmalari va zamonaviy media kontentni uzatish tizimlarini o‘rganishda asosiy amaliyot bazasi hisoblanadi.
• RRTM (“Radioaloqa, radioeshittirish va televideniye markazi” DUK): Raqamli teleradioeshittirish tarmoqlarini ekspluatatsiya qilish, uzatkichlarni sozlash va hududlarni qamrab olish masalalarida kafedraning asosiy hamkoridir.
• EMMM (Elektromagnit moslashuvchanlik markazi): Radiochastotalar spektridan samarali foydalanish, elektromagnit moslashuvchanlikni ta’minlash va monitoring qilish yo‘nalishlarida hamkorlik olib boriladi.
• UZdigitalTV: Yer usti raqamli televideniye xizmatlarini ko‘rsatish va abonent qurilmalari bilan ishlash jarayonlarida talabalarning amaliy ko‘nikmalarini oshirishga xizmat qiladi.
• UNICON.UZ (Fan-texnika va marketing tadqiqotlari markazi): Axborot texnologiyalari va aloqa sohasidagi normativ-huquqiy hujjatlar, standartlashtirish va innovatsion ishlanmalarni joriy etish bo‘yicha ilmiy hamkor sanaladi.

Ushbu hamkorlik tizimi orqali kafedra bitiruvchilarining bandligi ta’minlanadi va ular o‘qishni tamomlagan zahoti yuqoridagi nufuzli tashkilotlarda muvaffaqiyatli ish boshlash imkoniyatiga ega bo‘ladilar.

TALABALAR UCHUN TO‘GARAKLAR VA LOYIHA MARKAZI

 

Kafedrada talabalarning nazariy bilimlarini amaliyot bilan bog‘lash, ularning ijodiy va innovatsion salohiyatini ro‘yobga chiqarish maqsadida “To‘garak — Loyiha — Startap” tamoyili asosida uzluksiz tizim yo‘lga qo‘yilgan. Ushbu tizim doirasida talabalar o‘z g‘oyalarini kichik to‘garaklardan boshlab, tayyor loyiha va muvaffaqiyatli startap darajasiga ko‘tarish imkoniyatiga ega.

Hozirgi kunda kafedra qoshida quyidagi ixtisoslashgan to‘garaklar va zamonaviy laboratoriyalar faoliyat yuritmoqda:

“Radist” to‘garagi:Radioaloqa, radiotexnika va elektronika sohasiga qiziqqan talabalar uchun asosiy maskan. Bu yerda talabalar radiotexnik qurilmalar bilan ishlash va ularni sozlashning amaliy ko‘nikmalarini egallaydilar.

Antenna Design & Prototyping Club:Antennalarni loyihalash va prototiplarini yaratish klubi. Unda zamonaviy dasturlar yordamida antenna tizimlarini modellashtirish va ularning real nusxalarini yasash bo‘yicha tadqiqotlar olib boriladi.

VR/AR & 3D Media Lab (Virtual va to‘ldirilgan borliq hamda 3D media laboratoriyasi):Kelajak teleradiotizimlarining asosi bo‘lgan hajmli (3D) tasvirlar, virtual va to‘ldirilgan borliq texnologiyalarini o‘rganish va ushbu sohada yangi media kontentlar yaratishga ixtisoslashgan markaz.
Ushbu loyiha markazi talabalarga nafaqat bilim beradi, balki ularni sohaning yetakchi mutaxassislari bo‘lib yetishishlarida, xalqaro ko‘rgazma va tanlovlarda (“TechnoFest”, “Huawei Days” va h.k.) g‘olib bo‘lishlarida poydevor vazifasini o‘taydi.