Bakalavr va magistratura qabuli uchun 4 yillik davlat granti o‘rinlari tasdiqlandi

Bakalavr va magistratura qabuli uchun 4 yillik davlat granti o‘rinlari tasdiqlandi

Prezidentning tegishli farmoyishi (PF–43-son, 18.07.2025 y.) bilan 2025/2026-o‘quv yili va kelgusi uch yil uchun oliy ta’lim tashkilotlariga qabul bo‘yicha davlat buyurtmasi parametrlari tasdiqlandi.

Bakalavriat va magistratura bosqichlariga jami 45 422 ta ajratilgan davlat granti o‘rinlari quyidagicha belgilandi:

• Bakalavriat (kunduzgi ta’lim shakli) – 35 500 nafar,
• Magistratura (kunduzgi ta’lim shakli) – 9 922 nafar.

Shuningdek:

1. Xorijiy va nodavlat OTMlar uchun – 1 320 ta,
2. Xorijdagi vatandosh yoshlarga – 30 ta,
3. Xotin-qizlar uchun – 4 000 ta grant belgilandi.

Qabul parametrlarining taqsimoti:

• Hududlar va sohalar ehtiyojiga qarab,
• Imtiyozga ega abituriyentlar uchun qo‘shimcha parametrlarga asoslangan holda,
• Har bir yo‘nalish bo‘yicha o‘tish ballari va granti/to‘lov-kontrakt asosida aniqlanadi.

Bundan tashqari, ayrim sohalarning (tillar, san’at, sport va boshqalar) o‘ziga xosliklari inobatga olinadi.

Yangi tizim orqali davlat granti imtiyozlari shaffoflik asosida beriladi va yuqori ball to‘plagan abituriyentlar talabalikka tavsiya etiladi.