O‘zbekiston Respublikasi Prezidentining 2025-yil 14-fevraldagi Yoshlar bilan oʻtkazilgan ochiq muloqotdagi berilgan vazifalar ijrosini ta’minlash, shuningdek O‘zbekiston Respublikasi Prezidentining 2024-yil 30-sentabrdagi “Iqtidorli yoshlar bilan ishlash tizimini yanada takomillashtirish chora-tadbirlari to‘g‘risida”gi PQ–346-son qarori bilan IT sohasidagi iqtidorli o‘quvchilarni xalqaro olimpiada va musobaqalarga tayyorlash hamda startap tanlovlarida munosib ishtirokini ta’minlash maqsadida Muhammad al-Xorazmiy nomidagi Toshkent axborot texnologiyalari universiteti talabalari o‘rtasida raqamli texnologiyalar, robototexnika, sun’iy intellekt hamda dasturlash bo‘yicha o‘z qobiliyatlarini namoyon etish va rivojlantirish, iste’dodlarini ro‘yobga chiqarish uchun keng imkoniyatlar yaratish uchun “REKTOR KUBOGI” musobaqasini tashkil etish rejalashtirilgan. Ushbu musobaqada quyidagi 5 ta yo‘nalish bo‘yicha tanlovlar e’lon qilingan.
Ushbu tanlovlar orasida Unicorn-AI Startup tanlovi aynan loyiha va ishlanmalarini ishlab chiqarishda tadbiq qilish niyatida yurgan yoshlarning startap g‘oyalarini ro‘yabga chiqarish uchun tashkil qilingan. Mazkur tanlovda Muhammad al-Xorazmiy nomidagi Toshkent axborot texnologiyalari universitetida tahsil olayotgan 1-4 kurs va 1-2 kurs magistratura talabalar ishtirok etishlari mumkin. Tanlovning asosiy maqsadi talabalarning ilmiy innovatsion g‘oyalarini qo‘llab-quvvatlash, sun’iy intellekt (AI) texnologiyalariga asoslangan startap loyihalarini ishlab chiqish, rivojlantirish va yosh tadbirkorlarni rag‘batlantirish maqsadida startap loyihalar tanlovini tashkil etishdan iborat.
Tanlovda quyidagi hujjatlar tayyorlanishi lozim:
- Startap loyiha pasporti;
- Xarajatlar smetasi;
- Startap loyiha biznes modeli;
- Startap loyiha taqdimoti prezentatsiya (10 slaydgacha) shaklida loyiha mazmuni to‘liq yoritilganligi.
Bunda talabalarning ilmiy innovatsion g‘oyalarini qo‘llab quvvatlash maqsadida sun’iy intellekt yoʻnalishida jamoaviy (3-5 nafardan iborat jamoalar) startap loyihalar tanlovi tashkil qilingan bo‘lib, ushbu tanlov 2 bosqichda amalga oshiriladi:
- Ro‘yatdan o‘tish va saralash bosqichi;
- Final bosqich.
Hozirgi kunda tanlovga 70 ga yaqin arizalar kelib tushgan bo‘lib dastlabki saralash bosqichida 40 ga yaqin jamoa loyihalari final bosqichida qatnashish imkoniyatini qo‘lga kiritdi va bunda 150 nafar ishtirokchi qatnashishi rejalashtirilgan.
Mazkur “Unicorn-AI” startaplar tanlovi final bosqichini yanada sifatli o‘tkazish va startap loyihalarni bohalashda ishtirok etish uchun soha korxonalari hamda Venchur fond mutaxassislari jalb qilingan.
Ushbu tanlovning final bosqichi 2025-yil 29-mart sanasida soat 1300 da universitetimizning E-bino 313-xonasida bo‘lib o‘tadi.