Telekommunikatsiya texnologiyalari

Toshkent elektrotexnika aloqa instituti tarkibida 1955 yilda tashkil etilgan birinchi fakultet “Telefon va telegraf aloqasi” fakulteti bo‘lib, ushbu fakultet O‘zbekiston Respublikasi Vazirlar Mahkamasining 2013 yil 28 iyundagi 28-sonli “Toshkent axborot texnologiyalari universiteti va uning mintaqaviy filiallarini tashkiliy tuzilmasini takomillashtirish to‘g‘risida”gi qarori asosida bugungi kunda “Telekommunikatsiya texnologiyalari” fakulteti nomi ostida faoliyat yuritmoqda.

Fakultet ma’muriyati:

Telekommunikasiya texnologiyalari fakulteti dekani 

Madaminov Haydar Xudayarivich

Qabul vaqti: Har kuni 09:00-12:00
Telefon: (+99871) 238-65-64

O‘quv ishlari bo‘yicha dekan muovuni

Usmanov Behzod Shuxratovich

Qabul vaqti: Har kuni 09:00-12:00
Telefon: (+99871) 238-65-54

Yoshlar bilan ishlash bo‘yicha dekan muovini

Ochilov Laziz Siddiqovich

Qabul vaqti: Har kuni 09:00-12:00
Telefon: (+99871) 238-65-54

Telekommunikatsiya texnologiyalari fakultetida 3 ta kafedra faoliyat olib bormoqda:

Fakultetning magistratura mutaxassisliklari:

70611001

Telekommunikatsiya injiniringi (Telekommunikatsiya tarmoqlari, Axborotlarni uzatish tizimlari, Teleradioeshittirish)

70611005

Optik tolali tarmoqlar texnik ekspluatatsiyasi

70611003

Telekommunikatsiya tizimlarining dasturiy ta’minoti

Infokommunikatsiya injiniringi kafedrasida jami professor-o‘qituvchilar - 13 nafar (shu jumladan ayollar 4 nafar (31%))

Kafedra bo‘yicha ilmiy darajali (unvonli) lar soni 7 nafar (54 %).

  • 2 nafar (15%) fan doktorlari, professorlar;
  • 5 nafar (39 %) fan nomzodlari, dotsentlar;
  • 4 nafar (31 %) katta o‘qituvchilar;
  • 2 nafar (15 %) assistentlar, stajer-o‘qituvchilar.

 

Ma’lumotlarni uzatish tarmoqlari va tizimlari” kafedrada jami professor-o‘qituvchilar - 17 nafar (shu jumladan ayollar 3 nafar (18%))

Kafedra bo‘yicha ilmiy darajali (unvonli) lar soni 8 nafar (47%).

  • 2 nafar (12 %) fan doktorlari, professorlar;
  • 6 nafar (35 %) fan nomzodlari, dotsentlar;
  • katta o‘qituvchilar yo‘q;
  • 9 nafar (53 %) assistentlar, stajer-o‘qituvchilar.

 

Telekommunikatsiya injiniringi” kafedrada jami professor-o‘qituvchilar - 11 nafar (shu jumladan ayollar 7 nafar (63%))

Kafedra bo‘yicha ilmiy darajali (unvonli) lar soni 5 nafar (45%).

  • 1 nafar (9 %) fan doktorlari, professorlar;
  • 4 nafar (36 %) fan nomzodlari, dotsentlar;
  • 3 nafar (27 %) katta o‘qituvchilar;
  • 3 nafar (27 %) assistentlar, stajer-o‘qituvchilar.

 

Ushbu ta’lim yo‘nalishi telekommunikatsiya tizimlari, tarmoqlari va qurilmalari bo‘yicha bilim beruvchi yo‘nalish bo‘lib, unda ta’lim olgan mutahassislarga axborot-kommunikatsiya texnologiyalari kirib borgan barcha sohalarda ehtiyoj mavjud.

Ushbu yo‘nalish bo‘yicha talablar telefoniyaning barcha turlarini, paketli va kommutatsiyali uzatish tizimlarini, yuqori tezlikdagi va keng polosali telekommunikatsiya tarmoqlari va bog‘lamalarini o‘rganadilar. Mijozlarga yuqori sifatli simli va tola-optik aloqa orqali internet, telefoniya, televidenie kabi hizmatlarni taqdim qilishni o‘rganadilar.

Ushbu ta’lim yo‘nalishi bakalavri pedagogik qayta tayyorgarlikdan o‘tgandan so‘ng o‘rta maxsus, kasb-hunar ta’limi muassasalarida mutaxassislikka oid fanlarni o‘qitishi mumkin. Ta’lim yo‘nalishi bakalavri kasbiy tayyorgarlikdan keyin ikki yildan kam bo‘lmagan muddatda magistraturada o‘qishni davom ettirishi mumkin. Shuningdek, bakalavr o‘rnatilgan tartibda mustaqil izlanuvchi sifatida ilmiy tadqiqot olib borish mumkin.

Telekommunikatsiya injiniringi mutahassisligi bugungi kunda telekommunikatsiya tizimlarida ishlatiladigan keng polosali tarmoqlarni o‘tkazuvchanlik qobiliyatini, tashqi ta’sirlarga bardoshliligini, uning boshqa tarmoqlar bilan konvergensiyasini oshirish bo‘yicha yuqori malakali ilmiy-pedagogik kadrlarni tayyorlaydi. Magistratura bitiruvchilari telekommunikatsiya tarmoqlarini loyihalashtirish, qurish, ishlatish va ularga xizmat ko‘rsatish sohasida kasbiy faoliyatni samarali olib bora oladigan, shuningdek yuqori tezlikda katta hajmdagi ma’lumotlarni uzatishni ta’minlaydigan fizik jarayonlarni o‘rganuvchi va mavjud texnik yechimlarni takomillashtirish qobiliyatiga ega bo‘ladilar.

Magistratura bitiruvchilari magistr akademik darajasini olgandan so‘ng oliy ta’lim muassasalarida hamda O‘zbekiston Respublikasi Fanlar akademiyasining tarmoq ilmiy-tadqiqot institutlarida katta ilmiy xodim-izlanuvchi va mustaqil tadqiqotchi sifatida ilmiy-tadqiqot ishlarini davom ettirishi mumkin.

 Fakultetga axborot-kommunikatsiya va telekommunikatsiya texnologiyalari sohasida yuqori malakali kadrlarni tayyorlash vazifasi yuklatilgan. Bu vazifalar fakultetga biriktirilgan bakalavriatura ta’lim yo‘nalishi va magistratura mutahassisligi negizida amalga oshirilmoqda.

“Telekommunikasiya texnologiyalari” fakulteti mutaxassislar tayyorlashni (ta’lim yo‘nalishi va mutaxassisliklar bo‘yicha) ishlab chiqarishdan ajralgan holda amalga oshiradi. Fakultet ta’lim, fan va ishlab chiqarish intergatsiyasini kengaytirish va mustahkamlash maqsadida yirik soha korxonalari (TShShT, ToshTTS, UzNET) qoshida fakultet kafedralarining filiallari ochilgan, hamda telekommunikatsiyalar sohasidagi ilg‘or korhona va tashkilotlar bilan hamkorlikni izchil ravishda rivojlantirib kelmoqda. Jumladan, Huawei (Xitoy), ZTE (Xitoy), NEC (Yaponiya), Siemens (Germaniya) kompaniyalari bilan hamkorlik doirasida fakultetda o‘quv laboratoriyalari tashkil qilingan.