MUHAMMAD AL-XORAZMIY NOMIDAGI TOSHKENT AXBOROT TEXNOLOGIYALARI UNIVERSITETI
U S T A V I
1-bob. Umumiy qoidalar
1. Ushbu Ustav Muhammad al-Xorazmiy nomidagi Toshkent axborot texnologiyalari universiteti (keyingi o‘rinlarda– Universitet)ning maqomi, asosiy vazifalari, funksiyalari, huquq va majburiyatlari, javobgarligi hamda faoliyatining tashkiliy asoslarini belgilaydi.
Universitet:
1955 yilda tashkil etilgan bo‘lib, respublikadagi axborot-kommunikatsiya texnologiyalari sohasida oliy ta’limning davlat standartlari hamda o‘quv kurslari
va dasturlari doirasida ta’lim-tarbiya jarayonini amalga oshirish faoliyati bilan shug‘ullanadigan tayanch oliy ta’lim muassasasi hisoblanadi;
Universitet ushbu ustav va qonunchilikda belgilangan tartibda Axborot texnologiyalari va kommunikatsiyalarini rivojlantirish vazirligi
(keyingi o‘rinlarda-Vazirlik) hamda Oliy va o‘rta maxsus ta’lim vazirligiga bo‘ysunadi;
Universitet, uning filiallari, uning tarkibidagi boshqa tuzilmalar, va uning rahbar, xodimlari hamda talabalar o‘z faoliyatida amaldagi qonunchilik hujjatlariga, Vazirlik, Oliy va o‘rta maxsus ta’lim vazirligi hujjatlariga hamda ushbu ustavga amal qiladi.
2.Universitetning rasmiy nomi:
O‘zbek tilida to‘liq nomi:
Кирилл алифбосида: “Муҳаммад ал-Хоразмий номидаги Тошкент ахборот технологиялари университети;
Қисқартирилган номи: “ТАТУ”.
Lotin alifbosida “Muhammad al-Xorazmiy nomidagi Toshkent axborot texnologiyalari universiteti”;
Qisqartirilgan nomi: “TATU”.
Rus tilida to‘liq nomi:
“Ташкентский университет информационных технологий имени Мухаммада ал-Хоразмий”;
Қисқартирилган номи: “ТУИТ”:
Ingliz tilida to‘liq nomi:
“Tashkent University of Information Technologies named after Muhammad al-Khwarizmi”,
Qisqartirilgan nomi – “TUIT”.
3.Universitet yuridik manzili: 100084, Toshkent shahar, Yunusobod tumani Amir Temur ko‘chasi, 108-uy.
2-bob. Universitet faoliyatining maqsadi va vazifalari
- Universitetning maqsadi quyidagilardan iborat:
O‘zbekiston Respublikasida oliy ta’lim tizimini rivojlantirish, xalqaro andozalar asosida axborot-kommunikatsiya texnologiyalari sohasida yuqori malakali mutaxassislarni tayyorlash tizimini yanada takomillashtirish, xorijiy yetakchi oliy ta’lim muassasalari bilan o‘zaro hamkorlikni yanada kengaytirish;
o‘qitishning belgilangan ta’lim-kasb dasturlari asosida xorijiy tillarni egallash, til bilimlarini yanada rivojlantirishga, hamda o‘qitishning belgilangan ta’lim-kasb dasturlari asosida axborot-kommunikatsiya texnologiyalari va boshqa turli yo‘nalishlar bo‘yicha yuridik shaxslarning xodimlariga va jismoniy shaxslarga malaka oshirish kurslarini tashkil etish;
bolalar va o‘smirlarning yakka tartibdagi ehtiyojlarini qondirish, ularning bo‘sh vaqtlari va dam olishini tashkil etish maqsadida madaniy-estetik, ilmiy, texnikaviy, sport va boshqa yo‘nalishlarda maktabdan tashqari ta’lim jarayonini tashkil etishi, shu yo‘nalishlarda bolalar, o‘smirlar ijodiyoti san’at maktablari studiyalar, kutubxonalar sog‘lomlashtirish muassasalari va boshqa muassasalar ochishi, hamda O‘zbekiston Respublikasi Qonunchiligi bilan ta’qiqlanmagan boshqa faoliyat turlari olib borishi hisoblanadi.
- Universitetning vazifalari quyidagilardan iborat:
1) shaxsning intellektual, ilmiy, madaniy va ma’naviy, axloqiy kamol topishiga oliy va oliy ta’limdan keyingi ta’lim orqali erishish;
2) har tomonlama shakllangan mustaqil fikrlaydigan, zamonaviy bilimga ega yetuk shaxs, o‘z Vatani fidoyisi, xalq, jamiyat va oila oldidagi o‘z mas’uliyatini his qiluvchi, milliy va umuminsoniy qadriyatlarni hurmat qiluvchi, xalq an’analarini boyituvchi va mustahkamlovchi, Vatanimiz ravnaqi uchun vijdonan va halol mehnat qiluvchi etib shakllantirish;
3) ilmiy-pedagogik xodimlar va ta’lim oluvchilarning tadqiqotlari
va ijodiy faoliyatlari orqali fanni taraqqiy ettirish, olingan natijalardan ta’lim jarayonida mumkin qadar foydalanish;
4) iqtisodiyotning muvofiq sohalarida oliy ma’lumotli, ilmiy salohiyatli mutaxassislarni va ilmiy-pedagogik kadrlarni tayyorlash, qayta tayyorlash
va malakasini oshirish;
5) jamiyatning ahloqiy, madaniy, ma’rifiy va ilmiy qadriyatlarini saqlash hamda boyitish;
6) aholi o‘rtasida bilimlarni tarqatish, uning ma’naviy-ma’rifiy
va madaniy darajasini ko‘tarish;
7) ta’lim tizimini ilg‘or ilm-fan yutuqlari asosida takomillashtirish, mamlakatimizdagi barcha turdosh universitetlar uchun o‘quv, ilmiy-uslubiy, ma’naviy-ma’rifiy masalalar yuzasidan tayanch, yetakchi oliy ta’lim muassasasi sifatida faoliyat ko‘rsatish;
8) jahon andozalariga mos ilmiy tadqiqotlar olib borish, yangi ilmiy maktablarni shakllantirish;
9) rivojlangan mamlakatlarning universitetlari hamda ilmiy-tadqiqot muassasalari bilan ilm-fan va oliy ta’lim sohasida o‘zaro teng manfaatli hamkorlikni amalga oshirish;
10) iqtisodiyotning yetakchi tarmoqlari va sohalarida ta’lim, ilm-fan va ishlab chiqarishning mustahkam aloqalarini ta’minlash;
11) axborot-kommunikatsiya texnologiyalari sohasida respublika
va xalqaro miqyosida ilmiy-amaliy anjumanlar tashkil etish;
12) oliy ta’lim muassasalari talabalari o‘rtasida axborot-kommunikatsiya texnologiyalari sohasida tanlov va olimpiadalar o‘tkazish;
13) respublikada iqtidorli talabalar uchun ta’sis etilgan nomdor davlat stipendiyalari, turli mahalliy va xorijiy stipendiyalarni, shuningdek, Muhammad
al-Xorazmiy nomidagi stipendiyasiga universitet talabalarini keng jalb qilishda faol ishtirok etish;
14) respublikaning yetakchi olimlari, xususan, akademiklar va fan arboblari ishtirokida universitet talabalari, yosh olimlar, professor o‘qituvchilar bilan ilmiy uchrashuvlar hamda davra suhbatlarini tashkil etish;
15) ta’lim yo‘nalishlari va mutaxassisliklari o‘quv rejalaridagi fanlar bo‘yicha zamonaviy o‘quv adabiyotlarini ishlab chiqish, olimlar va pedogoglarning ushbu o‘quv adabiyotlardan erkin foydalanishlari uchun elektron resurslarga joylashtirish;
16) ommaviy axborot vositalarida hamda ZiyoNet milliy ta’lim tarmog‘ida ulug‘ alloma, qomusshunos olim Muhammad al-Xorazmiyning hayoti va ijodini yorituvchi maqola va materiallarni berib borish;
17) zamonaviy texnologiyalarga asoslangan ilm-fanning yangi qirralarini tadqiq etish uchun yangi o‘quv va ilmiy-tadqiqot laboratoriyalarini tashkil etish;
18) iqtidorli talabalar, yosh olimlar va professor o‘qituvchilarning istiqbolli ilmiy-tadqiqot ishlari natijalari va ilmiy maqolalari davriy ravishda e’lon qilib boriladigan Universitet tomonidan ta’sis etilgan ilmiy jurnallari nashr etilishini moliyaviy qo‘llab-quvvatlash;
19) Universitetda turli ma’naviy-ma’rifiy, madaniy, sport
va sog‘lomlashtirish tadbirlarini amalga oshirish;
20) davlat va xo‘jalik boshqaruvi, mahalliy hokimiyat organlari rahbarlari
va mutaxassislarining o‘z faoliyatida zamonaviy axborot-kommunikatsiya texnologiyalari va internet tizimini samarali qo‘llash bo‘yicha shartnoma asosida o‘quv kurslarni tashkil etish;
21) Korrupsiyaga oid huquqbuzarliklarning oldini olishga, Korrupsiyaga qarshi kurashish “komplaens-nazorat” tizimi orqali ularni aniqlashga, ularga chek qo‘yishga, ularning oqibatlarini, shuningdek ularga imkon beruvchi omillarga barham berishni ko‘zda tutuvchi chora-tadbirlarning amalga oshirilishini ta’minlash.
22) o‘z faoliyatini O‘zbekiston Respublikasining Konstitutsiyasiga, O‘zbekiston Respublikasi qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari, farmoyishlari, ko‘rsatma va topshiriqlari, O‘zbekiston Respublikasi Vazirlar Mahkamasining qarorlari, farmoyishlari, ko‘rsatma va topshiriqlari, Vazirlik hay’atining qarorlari, bayon (bayonnoma)lari, ko‘rsatma va topshiriqlariga, Vazirlikning qarorlari, buyruqlari, farmoyishlari, ko‘rsatma va topshiriqlari hamda ushbu ustav talablariga to‘liq rioya etgan holda amalga oshirish va mazkur hujjatlarda ko‘rsatilgan topshiriq va ko‘rsatmalarini ijro etish.
- Universitet o‘z zimmasiga yuklangan vazifalarga muvofiq quyidagi funksiyalarni amalga oshiradi:
1) shaxsning intellektual, ilmiy, madaniy va ma’naviy, axloqiy kamol topishiga oliy va oliy ta’limdan keyingi ta’lim orqali erishish sohasida:
dissertatsiya himoya qilish va tegishli fan tarmog‘i bo‘yicha falsafa doktori (PhD) ilmiy darajasini berishni nazarda tutuvchi tayanch doktarantura;
dissertatsiya himoya qilish va tegishli fan tarmog‘i bo‘yicha fan doktori (Dostor of Science) ilmiy darajasini berishni nazarda tutuvchi doktarantura tizimi asosida amalga oshiriladi.
2) har tomonlama shakllangan mustaqil fikrlaydigan, zamonaviy bilimga ega yetuk shaxs, o‘z Vatani fidoyisi, xalq, jamiyat va oila oldidagi o‘z mas’uliyatini his qiluvchi, milliy va umuminsoniy qadriyatlarni hurmat qiluvchi, xalq an’analarini boyituvchi va mustahkamlovchi, Vatanimiz ravnaqi uchun vijdonan va halol mehnat qiluvchi etib shakllantirish sohasida:
talabalarni ma’naviy-ahloqiy tarbiyalash, nazariy va amaliy bilim hamda ko‘nikmalarni oshirish bo‘yicha samarali tizimni yaratish, ularda vatanparvarlik, yuksak ma’naviy-ahloqiy fazilatlarni shakllantirish hamda rivojlantirish;
talabalarni yuksak ta’lim-tarbiya berish bilan milliy va umuminsoniy qadriyatlarni hurmat qiluvchi, xalq an’analarini boyituvchi va mustahkamlovchi, Vatanimiz ravnaqi uchun vijdonan va halol mehnat qiluvchi etib shakllantirish;
3) ilmiy-pedagogik xodimlar va ta’lim oluvchilarning tadqiqotlari va ijodiy faoliyatlari orqali fanni taraqqiy ettirish, olingan natijalardan ta’lim jarayonida mumkin qadar foydalanish sohasida:
ilmiy-tadqiqot ishlarini kuchaytirish, jaxonning axborot-kommunikatsiya texnologiyalari sohasidagi ilg‘or yutuqlarini O‘zbekiston iqtisodiyotining yetakchi tarmoqlariga keng tadbiq qilishni nazarda tutuvchi ilmiy maktablarni shakllantirish;
ta’limning yangi pedogogik texnologiyalari va o‘qitish uslublarini joriy etishning xalqaro amaliyotga muvofiq ta’lim jarayonini tashkil etish, o‘quv rejalari va fan dasturlarini takomillashtirish o‘qitishning zamonoviy shakllari
va axborot-kommunikatsiya texnologiya vositalarini joriy etgan holda o‘quv jarayonini sifat jixatdan yangilash;
4) iqtisodiyotning muvofiq sohalarida oliy ma’lumotli, ilmiy salohiyatli mutaxassislarni va ilmiy-pedagogik kadrlarni tayyorlash, qayta tayyorlash
va malakasini oshirish sohasida:
iqtisodiyotning yetakchi tarmoqlari ehtiyojidan kelib chiqib, xalqaro andozalar asosida axborot-kommunikatsiya texnologiyalari sohasida yuqori malakali muxassislarni tayyorlashni nazarda tutuvchi maqsadli ta’lim dasturlarini tashkil etish;
5) jamiyatning ahloqiy, madaniy, ma’rifiy va ilmiy qadriyatlarini saqlash hamda boyitish sohasida:
talabalarni ma’naviy-ahloqiy tarbiyalash, nazariy va amaliy bilim
va ko‘nikmalarni oshirish bo‘yicha samarali tizimni yaratish, ularda vatanparvarlik, yuksak ma’naviy-ahloqiy fazilatlarni shakllantirish hamda rivojlantirish;
6) aholi o‘rtasida bilimlarni tarqatish, uning ma’naviy-ma’rifiy va madaniy darajasini ko‘tarish sohasida:
universitetga biriktirilgan mahallalarda universitet professor-o‘qituvchilari bilan uchrashuvlar tashkil etish;
mahalladagi uyushmagan yoshlarni keyingi kasbga bo‘lgan qiziqishini orttirish maqsadida, TATU ning iqtidorli talabalaridan tashkil topgan mentorlik guruhi ishtirokida doimiy ravishda ishlar olib borish;
7) ta’lim tizimini ilg‘or ilm-fan yutuqlari asosida takomillashtirish, mamlakatimizdagi barcha turdosh universitetlar uchun o‘quv, ilmiy-uslubiy, ma’naviy-ma’rifiy masalalar yuzasidan tayanch, yetakchi oliy ta’lim muassasasi sifatida faoliyat ko‘rsatish sohasida:
universitetdagi ilg‘or tajribalar, ilm-fan yutuqlari asosida universitetni filiallariga ma’lumotlar yetkazish;
universitetdagi ilg‘or tajribalar, ilm-fan yutuqlari asosida mamlakatimizdagi barcha turdosh universitetlar uchun o‘quv, ilmiy-uslubiy, ma’naviy-ma’rifiy ishlarini tag‘rib etish;
8) jahon andozalariga mos ilmiy tadqiqotlar olib borish, yangi ilmiy maktablarni shakllantirish sohasida:
xorijiy universitetlar bilan birgalikda ilmiy tadqiqotlar olib borish bo‘yicha takliflar kiritish;
universitetda olib borilayotgan ilmiy loyihalar orqali ilmiy-tadqiqot ishlarini kuchaytirish, jahonning axborot-kommunikatsiya texnologiyalari sohasidagi ilg‘or yutuqlarini O‘zbekiston iqtisodiyotining yetakchi tarmoqlariga keng tadbiq qilishni nazarda tutuvchi ilmiy maktablarni shakllantirish;
9) rivojlangan mamlakatlarning universitetlari hamda ilmiy-tadqiqot muassasalari bilan ilm-fan va oliy ta’lim sohasida o‘zaro teng manfaatli hamkorlikni amalga oshirish sohasida:
xalqaro hamkorlikni rivojlantirish bo‘yicha takliflar kiritish;
universitetda tashkil etilgan O‘zbek Hind markazi oraqali tajriba almashish;
rivojlangan mamlakatlarning universitetlari hamda ilmiy-tadqiqot muassasalari bilan ilm-fan va oliy ta’lim sohasida o‘zaro teng manfaatli shartnomalar imzolash;
10) iqtisodiyotning yetakchi tarmoqlari va sohalarida ta’lim, ilm-fan
va ishlab chiqarishning mustahkam aloqalarini ta’minlash sohasida:
O‘zbekiston Respublikasi qonunlari va Vazirlikning tashqi iqtisodiy aloqalari konsepsiyasiga muvofiq tashqi iqtisodiy faoliyatni amalga oshirish;
xalqaro tashkilotlar va xalqaro moliyaviy muassasalarga a’zo bo‘lish, xamkorlikni rivojlantirish, ulardan ilm-fan va ishlab chiqarishning aloqalarini mustahkamlash maqsadida moliyaviy yordam olish;
11) axborot-kommunikatsiya texnologiyalari sohasida respublika
va xalqaro miqyosida ilmiy-amaliy anjumanlar tashkil etish sohasida:
universitetni tasdiqlangan rejasiga muvofiq xo‘jalik yurituvchi sub’ektlarning hamda halqaro tashkilotlar bilan birgalikda xalqaro miqyosida ilmiy-amaliy anjumanlar, seminarlar tashkil etish;
12) oliy ta’lim muassasalari talabalari o‘rtasida axborot-kommunikatsiya texnologiyalari sohasida tanlov va olimpiadalar o‘tkazish sohasida:
universitetni tasdiqlangan rejasiga muvofiq fan olimpiadalarini o‘tkazish;
tanlovlar asosida o‘ta iqtidorli talabalarni aniqlab olish;
13) respublikada iqtidorli talabalar uchun ta’sis etilgan nomdor davlat stipendiyalari, turli mahalliy va xorijiy stipendiyalarni, shuningdek, Muhammad al-Xorazmiy nomidagi stipendiyasiga universitet talabalarini keng jalb qilishda faol ishtirok etish sohasida:
universitetda, uning filiallarida talabalar o‘rtasida nomdor davlat stipendiyalarga tanlov tashkil etish;
14) respublikaning yetakchi olimlari, xususan, akademiklar va fan arboblari ishtirokida universitet talabalari, yosh olimlar, professor o‘qituvchilar bilan ilmiy uchrashuvlar hamda davra suhbatlarini tashkil etish sohasida:
universitetni tasdiqlangan rejasiga muvofiq respublikaning yetakchi olimlari, xususan, akademiklar va fan arboblari ishtirokida universitet talabalari, yosh olimlar, professor o‘qituvchilar bilan ilmiy uchrashuvlarni tashkil etish;
15) ta’lim yo‘nalishlari va mutaxassisliklari o‘quv rejalaridagi fanlar bo‘yicha zamonaviy o‘quv adabiyotlarini ishlab chiqish, olimlar
va pedogoglarning ushbu o‘quv adabiyotlardan erkin foydalanishlari uchun elektron resurslarga joylashtirish sohasida:
o‘quv jarayonining nazariy tayyorgarlikning axborot kommunikatsiya texnologiyalarini qo‘llash faoliyati bilan uzviy bog‘liqlikni, talabalarda tahliliy fikrlash, yangi bilimlarni mustaqil ravishda egallash va ulardan foydalanish ko‘nikmasini shakllantirishni ta’minlaydigan o‘qitishning zamonaviy shakl
va metodlarini, pedagogik, axborot-kommunikatsiya, innovatsion texnologiyalar asosida tashkil etish;
16) ommaviy axborot vositalarida hamda ZiyoNet milliy ta’lim tarmog‘ida ulug‘ alloma, qomusshunos olim Muhammad al-Xorazmiyning hayoti va ijodini yorituvchi maqola va materiallarni berib borish sohasida:
Universitet professor-o‘qituvchilari tomonidan ulug‘ alloma, qomusshunos olim Muhammad al-Xorazmiyning hayoti va ijodini yorituvchi maqola
va materiallarni Universitet tomonidan ta’sis etilgan ilmiy jurnallarida nashr etish;
17) zamonaviy texnologiyalarga asoslangan ilm-fanning yangi qirralarini tadqiq etish uchun yangi o‘quv va ilmiy-tadqiqot laboratoriyalarini tashkil etish sohasida:
universitet professor-o‘qituvchilari tomonidan ilmiy loyihalarida zamonaviy texnologiyalarga asoslangan ilm-fanning yangi qirralarini tadqiq etish uchun yangi o‘quv va ilmiy-tadqiqot laboratoriyalarini tashkil etish;
18) iqtidorli talabalar, yosh olimlar va professor o‘qituvchilarning istiqbolli ilmiy-tadqiqot ishlari natijalari va ilmiy maqolalari davriy ravishda e’lon qilib boriladigan Universitet tomonidan ta’sis etilgan ilmiy jurnallari nashr etilishini moliyaviy qo‘llab-quvvatlash sohasida:
iqtidorli yoshlarni ilmiy-tadqiqot ishlarga jalb etish, shu jumladan, talabalarga yuksak ta’lim tarbiya berish orqali tabiiy-ilmiy fanlarga bo‘lgan qiziqishlarni orttirish va ularga o‘z ustida ijodiy faoliyat yuritishni qo‘llab-quvvatlash;
19) Universitetda turli ma’naviy-ma’rifiy, madaniy, sport
va sog‘lomlashtirish tadbirlarini amalga oshirish sohasida:
professor-o‘qituvchilar, talabalar va universitetga biriktirilgan mahallalar
va tuman hokimligi bilan birganlikda sport tadbirlar tashkil etish;
universitetning boshlang‘ich kasaba uyushmasi qo‘mitasi bilan birgalikda turli ma’naviy-ma’rifiy, madaniy tadbirlarni tashkil etish;
20) davlat va xo‘jalik boshqaruvi, mahalliy hokimiyat organlari rahbarlari va mutaxassislarining o‘z faoliyatida zamonaviy axborot-kommunikatsiya texnologiyalari va internet tizimini samarali qo‘llash bo‘yicha shartnoma asosida o‘quv kurslarni tashkil etish sohasida:
davlat va xo‘jalik boshqaruvi, mahalliy hokimiyat organ rahbarlari
va mutaxassislarining universitetda tashkil etilgan kurslarda o‘qitishda zamonaviy texologiyalarni qo‘llash;
21) Korrupsiyaga oid huquqbuzarliklarning oldini olishga, Korrupsiyaga qarshi kurashish “komplaens-nazorat” tizimi orqali ularni aniqlashga, ularga chek qo‘yishga, ularning oqibatlarini, shuningdek ularga imkon beruvchi omillarga barham berishni ko‘zda tutuvchi chora-tadbirlarning amalga oshirilishini ta’minlash sohasida:
korrupitsiyani oldini olish maqsadida talabalar o‘rtasida anonim so‘rovnomalar o‘tkazib turish;
professor-o‘qituvchilarni huquqiy onglarini oshirib borish maqsadida har haftada o‘quv soatlarini tashkil etish;
22) o‘z faoliyatini O‘zbekiston Respublikasining Konstitutsiyasi, O‘zbekiston Respublikasi qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari, farmoyishlari, ko‘rsatma va topshiriqlari, O‘zbekiston Respublikasi Vazirlar Mahkamasining qarorlari, farmoyishlari, ko‘rsatma va topshiriqlari, Vazirlik hay’atining qarorlari, bayon (bayonnoma)lari, ko‘rsatma
va topshiriqlariga, Vazirlikning qarorlari, buyruqlari, farmoyishlari, ko‘rsatma va topshiriqlari hamda ushbu ustav talablariga to‘liq rioya etgan holda amalga oshirish va mazkur hujjatlarda ko‘rsatilgan topshiriq va ko‘rsatmalarini ijro etish sohasida:
o‘z faoliyatini O‘zbekiston Respublikasining Konstitutsiyasiga, O‘zbekiston Respublikasi qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari, farmoyishlari, ko‘rsatma va topshiriqlari, O‘zbekiston Respublikasi Vazirlar Mahkamasining qarorlari, farmoyishlari, ko‘rsatma va topshiriqlari, Vazirlik hay’atining qarorlari, bayon (bayonnoma)lari, ko‘rsatma va topshiriqlariga, Vazirlikning qarorlari, buyruqlari, farmoyishlari, ko‘rsatma va topshiriqlari hamda ushbu ustav talablariga to‘liq rioya etgan holda amalga oshirish va mazkur hujjatlarda ko‘rsatilgan topshiriq va ko‘rsatmalarini ijro etadi.
Axborot texnologiyalari
va kommunikatsiyalarini rivojlantirish vazirligining
2021-yil 13-dekabrdagi 682-son
buyrug‘i bilan tasdiqlangan