Muhammad al-Xorazmiy nomidagi Toshkent Axborot Texnologiyalari Universiteti

Samarqand filiali

Muhammad al-Xorazmiy nomidagi Toshkent axborot texnologiyalari universiteti Samarqand filiali direktori:

Karshiyev Zaynidin Abduvalievich

Qabul kunlari: Chorshanba - Juma (15:00-17:00).
Telefon: (0-366) 232-29-29
E-mail:  z.karshiyev@samtuit.uz

TATU Samarqand filiali O‘zbekiston Respublikasi Prezidentining 2005 yil  2 iyundagi «Axborot texnologiyalari sohasida kadrlar tayyorlash tizimini takomillashtirish to‘g‘risida» PQ - 91 Qaroriga muvofiq tashkil etilgan. SHu kunga qadar filial Respublikamiz xalq xo‘jaligining aloqa va axborotlashtirish  sohasi  uchun 4315 nafar yuqori malakali etuk mutaxassis kadrlar, 2  nafar fan doktori va 17 nafar fan nomzodlari  hamda falsafa doktorlari tayyorlab berdi.

Bugungi kunda filialda 1718 nafar kunduzgi va 514 nafar sirtgi ta’lim shalkida bakalavriatura va 58 nafar magistratura talabalari tahsil olmoqda. Professor - o‘qituvchilar tarkibi 106 nafar asosiy shtatda va 9 nafar o‘rindoshlik asosida faoliyat olib borayotgan ustozlardan iborat bo‘lib, ularning 3 nafari fan doktori professorlar va 41 nafari fan nomzodi dotsentlardir. 

Filial tasarrufida 2 ta o‘quv bino va talabalar turar joyi uchun 1 ta bino bor. Zamonaviy tarzda jihozlangan 21 ta ma’ruza xonalari, 21 ta amaliy mashg‘ulot xonalari, 16 ta kompyuter sinflari, 5 ta o‘quv laboratoriyalari, 1 ta lingafon xonasi, axborot - resurs markazi va 2 ta sport zal talabalar xizmatida. Har 4 nafar talabaga  1 ta kompyuter to‘g‘ri keladi. 

O‘quv ishlari:

Filial tarkibida 2 ta fakultet va 9 ta kafedra mavjud.

Fakultetlar:

  • Kompyuter injiniring;
  • Telekommunikatsiya texnologiyalari va kasb ta’limi.

Kafedralar:

  • Axborot texnologiyalari;
  • Dasturiy injiniring;
  • Kompyuter tizimlari;
  • Tabiiy fanlar;
  • Axborot ta’lim texnologiyalari;
  • Telekommunikatsiya injiniring;
  • Gumanitar va ijtimoiy fanlar;
  • Tillar kafedrasi;
  • Axborot xavfsizligi

Filialda kadr tayyorlash bakalavriatning 6 ta ta’lim yo‘nalishi va magistraturaning 2 ta mutaxassisligi bo‘yicha olib borilmoqda.

Bakalavriatura:

  • Kompyuter injiniringi (Kompyuter injineringi);
  • Kompyuter injiniringi (AT servis);
  • Dasturiy injiniring;
  • Axborot xavfsizligi (axborot kommunikatsiya texnologiyalari va servis);
  • Telekommunikatsiya texnnologiyalari;
  • AKT sohasida kasb ta’limi.

Magistratura:

  • Kompyuter injiniring (kompyuter tizimlarini loyihalash);
  • Telekommunikasiya injiniringi (Telekommunikasiya tarmoqlari, Axborotlarni uzatish tizimlari, Teleradioeshittirish)

Filialda barcha mashg‘ulotlar zamonaviy pedagogik va axborot texnologiyalari asosida olib borilmoqda. Har bir fan bo‘yicha zaruriy materiallar o‘quv uslubiy majmua sifatida shakllantirilgan. Kafedralarda hammasi bo‘lib 112 ta o‘quv uslubiy majmua yaratildi. O‘quv jarayoniga xizmat qiluvchi texnik jihozlar yildan yilga boyitib borildi. Hozirgi paytda filialda barcha darslar elektron taqdimotlar asosida multimediali vositalar yordamida  o‘tilmoqda. Masofaviy elektron ta’lim usullari keng joriy qilindi. 2021 yil davomida TATUning mutaxassislik kafedralari tomonidan fanlar bo‘yicha masofaviy darslar videokonferensiya shaklida tashkillashtirilmoqda va filial talabalari ushbu darslarda to‘liq qatnashmoqdalar.

Toshkent axborot texnologiyalari universiteti Samarqand filiali murojaat ma’lumotlari: