Bugun, 2-aprel kuni talabalarni qiziqtirgan savollar, mavjud muammolar hamda kelajak rejalari yuzasida fikr almashish maqsadida ochiq muloqot tashkil etildi. Tadbir doirasida Ma’rifat darsi ham o‘tkazilib, unda talabalarga ma’naviy yuksalish, ilm-fan va kasbiy rivojlanishning ahamiyati haqida so‘z yuritildi. Shu bilan birga, yurt tinchligi va barqarorligi har bir fuqaro zimmasidagi muhim mas’uliyat ekani ta’kidlanib, mamlakatimizda olib borilayotgan keng ko‘lamli islohotlarning mohiyati va ularning yoshlar hayotidagi o‘rni haqida tushunchalar berildi.
📝 Uchrashuv davomida universitetda so‘nggi yillarda erishilgan yutuqlar, amalga oshirilgan ishlar hamda ta’lim tizimidagi islohotlar haqida so‘z yuritildi. Shuningdek, kelgusidagi rejalar, ta’lim sifatini yanada oshirish va innovatsion yondashuvlarni joriy etish bo‘yicha olib borilayotgan ishlarga alohida e’tibor qaratildi. Tadbir yakunida talabalar o‘zlarini qiziqtirgan savollarga batafsil javob olishdi, ularning muammolari tinglanib, ilgari surgan taklif va tashabbuslari qo‘llab-quvvatlandi.