 |
 |
 |
 |
 |
 |
📚26-avgust kuni Muhammad al-Xorazmiy nomidagi Toshkent axborot texnologiyalari universitetida “TUIT SDG & Research Impact 2026” tadbiri bo‘lib o‘tdi.
Tadbirda BMTning Barqaror rivojlanish maqsadlari (SDG), ilmiy tadqiqotlarning jamiyat va atrof-muhitga ta’siri hamda TATUning barqaror rivojlanishga qo‘shayotgan hissasi muhokama qilindi.
🔬Ilmiy tadqiqot — bu faqat maqola emas, balki real ta’sir.
Professor-o‘qituvchilarning ilmiy izlanishlari, xalqaro nashrlardagi maqolalari va tadqiqot natijalarining SDG maqsadlari bilan uyg‘unligi tahlil qilindi. Shuningdek, ilmiy faoliyatning ta’lim, innovatsiya, raqamli transformatsiya, iqtisodiy rivojlanish, ijtimoiy farovonlik va ekologik barqarorlikka ta’siri yuzasidan fikr almashildi.
📈Professor-o‘qituvchilarning xalqaro reytinglardagi ilmiy ko‘rsatkichlari, ularning universitet tadqiqot salohiyati va reyting natijalariga ta’siri hamda ilmiy faoliyatni yanada rivojlantirish istiqbollari ham ko‘rib chiqildi.
🌱SDG — bu shunchaki global maqsadlar emas.
Bu — har bir ilmiy tadqiqot, yaratilayotgan innovatsiya, tayyorlanayotgan mutaxassis va jamiyat uchun yaratilayotgan qiymatdir.
🔵TATUda ilm-fan, innovatsiya va barqaror rivojlanishni yagona ekotizim sifatida shakllantirish, tadqiqotlarning amaliy ta’sirini oshirish hamda universitetning xalqaro akademik maydondagi nufuzini mustahkamlash yo‘lidagi ishlar izchil davom etmoqda.