Endi IT sohasida texnika fanlari bo‘yicha PhD ilmiy darajasini Qoraqalpog‘istonda himoya qilish mumkin.
O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyasi raisining 2023-yil 5-maydagi 154-sonli qaroriga asosan, Muhammad al-Xorazmiy nomidagi Toshkent axborot texnologiyalari universitetining Nukus filiali huzurida texnika fanlari bo‘yicha falsafa doktori (PhD) ilmiy darajasini beruvchi ilmiy kengash tashkil etildi.
Ilmiy kengash 05.01.04- "Hisoblash mashinalari, majmualari va kompyuter tarmoqlarini matematik va dasturiy ta’minoti" , 05.01.04- "Axborot olish tizimlari va jarayonlari" va 13.00.06 - "Elektron ta’lim nazariyasi va metodikasi" mutaxassisliklari bo‘yicha dissertatsiya himoyasini o‘tkazishga ruxsat berilgan.