Qarshi filiali

Muhammad al-Xorazmiy nomidagi Toshkent axborot texnologiyalari universiteti Qarshi filiali direktori:

Turg'unov Adilbek Muxtorovich

Qabul vaqti: Har kuni (9:00-17:00)
Telefon: (8 375) 228-02-32

Muhammad al-Xorazmiy nomidagi Toshkent axborot texnologiyalari universiteti Qarshi filiali - Oʻzbekiston Respublikasi Prezidentining 2005 yil 2 iyundagi “Axborot texnologiyalari sohasida kadrlar tayyorlash tizimini takomillashtirish toʻgʻrisida”gi PQ-91-sonli qaroriga binoan tashkil etilgan.

Filialda 2 ta, “Kompyuter injiniring” hamda “Telekommunikatsiya texnologiyalari va kasbiy taʼlim” fakultetlari, shuningdek, 5 taʼlim yoʻnalishi mavjud. “Axborot xavfsizligi”, “Kompyuter injiniringi”, “Dasturiy injiniring”, “Telekommunikatsiya texnologiyalari” hamda “Axborot-kommunikatsiya texnologiyalari sohasida kasb taʼlimi”.

Bugungi kunda filialda 78 nafar professor-oʻqituvchi faoliyat yuritib,. shundan, 1 nafarini professor, 2 nafarini fan doktori, 16 nafarini fan nomzodi hamda 4 nafarini dotsent tashkil etadi.

Filialda 1233 nafar talaba-yoshlar tahsil olib, shundan, 1112 nafarini bakalavr, 19 nafarini magistratura hamda 102 nafarini sirtqi taʼlim shaklida tahsil olayotgan talaba-yoshlar tashkil etadi.

Oʻtgan davr mobaynida 12 nafar professor-oʻqituvchi Janubiy Koreyaning nufuzli oliygohlarida malaka oshirib qaytishgan.

Filialda “Dasturchilarni tayyorlash markazi”, “Elektron hukumat” markazi hamda Yevropa Ittifoqining Erasmus+ dasturi doirasidagi TechReh (TekRex) xalqaro loyihasining “Tibbiyotda texnik reabilitatsiya” ilmiy laboratoriyasi faoliyat yuritmoqda.

Shuningdek, filialda kadrlar tayyorlash tizimini tubdan takomillashtirish va samaradorligini oshirish, oliy taʼlim tizimi oʻquv jarayoniga ilgʻor xalqaro tajribani keng joriy etish, universitetni jahonning nufuzli universitetlari qatoriga kirishini taʼminlash maqsadida 2018/2019 oʻquv yilidan boshlab axborot texnologiyalari va kommunikatsiyalari sohasida kadrlar tayyorlash boʻyicha oʻqitishning kredit tizimi joriy etilgan.

Filialning Novosibirsk davlat texnika universiteti, Moskva texnika aloqa va informatika universiteti, Rossiya Akademiyasi Sibir boʻlimi hisoblash texnologiyasi instituti, Belorussiya davlat informatika va radio elektronika universiteti hamda Tojikiston milliy universiteti bilan ikki tomonlama hamkorlik aloqalari keng yoʻlga qoʻyilgan.

Qarshi filiali nizomi

Toshkent axborot texnologiyalari universiteti Qarshi filiali murojaat ma'lumotlari