Musobaqa talabalar orasida ilmiy-texnik ijodkorlikni ommalashtirish va muhandislik kasblarining obroʻ-e’tiborini yuksaltirish, dolzarb muhandislik masalalari va texnika bilan ishlash boʻyicha amaliy koʻnikmalarni rivojlantirish hamda innovasiya va yuksak texnologiyalar sohalariga talaba yoshlarning qiziqishlarini ragʻbatlantirish maqsadida tashkil etilmoqda!
Musobaqada ishtirokchilar jamoa shaklida yoki yakka tartibda ishtirok etishlari mumkin. Ular:
- Universitetning 1-4 kurs bakalavr va 1-2 kurs magistraturada tahsil olayotgan talaba bo‘lishlari kerak;
- yakka tartibda yoki 5 kishidan ko‘p boʻlmagan jamoalar tarkibida qatnashishlari lozim;
- faqat bitta jamoa aʼzosi boʻlishi mumkin;
- o‘z lideriga ega boʻlishi kerak.
Musobaqa doirasida quyidagi yoʻnalishlarda tanlovlar oʻtkaziladi va musobaqa natijalari nominasiyalar boʻyicha umumlashtiriladi:
Kursidan qattiy nazar barcha talabalar uchun:
- Robo Sumo (avtonom)
- RoboClear Challenge (avtonom)
- Boshqaruvdagi robotlar
- Foydali robotlar
Musobaqaning birinchi bosqichi 27-mart kuni Universitet miqyosida o‘tkaziladi;
Musobaqaning ikkinchi bosqichi birinchi bosqichdan muvoffaqiyatli o‘tgan jamoalar o‘rtasida 3-aprel kuni o‘tkaziladi.
G‘oliblarni aniqlash va taqdirlash quyidagicha amalga oshiriladi:
Musoboqa tartiblarini buzmagan, tegishli shartlarni bajarishda raqiblarni ortda qoldirgan jamoalar yoki yakka tartibdagi talabalar g‘olib deb topiladi. Agarda ushbu biror yo‘nalishda ishtirokchilar tomonidan ishlanmalar taqdim etilmasa, ular uchun ajratilgan sovrin boshqa yo‘nalishdagi keyingi ishtirokchilarga naminatsiya ko‘rinishida berilishi mumkin.
Foydali robotlar nominatsiyasida ishlanmalar komissiya tomonidan quyidagi me’zonlar asosida baholanadi
- Innovatsion yondashuv;
- Texnologik yangiliklar;
- Bozor ehtiyojiga moslik;
- Amaliy ijro va samaradorlik;
- Energiya va resurslarni tejash va zamonaviy texnologiyalar yaratishga doirligi;
- Atrof-muhitni himoyalash boʻyicha muammolarni hal qilishga qaratilganligi;
- Ijtimoiy ahamiyati va jamiyatga keltira oladigan foydasi;
- Foydalanishga tayyorligi;
- Ijtimoiy va iqtisodiy ta’sir;
- Komanda a’zolarining mentorlik qobiliyati;
Sovrin jamg‘armasi 20 million so‘m bo‘lgan "Robototexnika’’ musobaqasida ishtirok eting va o‘z qobiliyatingizni namoyon qiling!