Zulfiya nomidagi Davlat mukofoti bilan taqdirlash to‘g‘risida

Mamlakatimizda mo‘tabar ayol zotiga munosib hurmat-ehtirom ko‘rsatish, ularning jamiyatimizdagi o‘rni va nufuzini oshirish, sog‘lom va barkamol avlodni voyaga yetkazish, o‘zining iqtidori va ibratli faoliyati bilan yoshlarga o‘rnak bo‘lib kelayotgan qizlarni rag‘batlantirish maqsadida hamda O‘zbekiston Respublikasi Prezidentining “Zulfiya nomidagi Davlat mukofotini ta’sis etish bo‘yicha takliflarni qo‘llab-quvvatlash to‘g‘risida”gi 1999 yil 10 iyundagi PF-2326-sonli va “Xotin-qizlarni qo‘llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to‘g‘risida”gi 2018 yil 2 fevraldagi PF-5325-sonli Farmonlariga asosan:

1. O‘zbekiston Xotin-qizlar qo‘mitasi huzuridagi Zulfiya nomidagi Davlat mukofoti komissiyasining Qoraqalpog‘iston Respublikasi, viloyatlar va Toshkent shahrining iqtidorli qizlarini a’lo xulqi, noyob iste’dodi, zukkoligi, tashabbuskorligi, o‘qishdagi muvaffaqiyatlari hamda ta’lim, fan, adabiyot, madaniyat, san’at, sport sohalarida va jamoatchilik faoliyatida erishgan alohida yutuqlari uchun Zulfiya nomidagi Davlat mukofoti bilan taqdirlash to‘g‘risidagi takliflari ilovadagi ro‘yxatga muvofiq ma’qullansin.

2. Zulfiya nomidagi Davlat mukofoti bilan taqdirlanganlarga 8 mart – Xalqaro xotin-qizlar bayramiga bag‘ishlab o‘tkaziladigan tantanalarda sovrindorlik diplomlari va ko‘krak nishonlari topshirilsin.

3. O‘zbekiston Respublikasi Moliya vazirligi Zulfiya nomidagi Davlat mukofoti sovrindorlarining har biriga eng kam oylik ish haqining 50 baravari miqdorida pul mukofoti berilishini ta’minlasin.

4. O‘zbekiston Milliy axborot agentligi, O‘zbekiston Milliy teleradiokompaniyasi va boshqa ommaviy axborot vositalariga Zulfiya nomidagi Davlat mukofoti sohibalarining ibratli faoliyati, ularning noyob iste’dodi va erishgan yutuqlarini keng yoritib borish tavsiya etilsin.

5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari T.Narbayeva zimmasiga yuklansin.

O‘zbekiston Respublikasi Prezidenti                                                             Sh.MIRZIYOYEV

Toshkent shahri, 2018 yil 2 mart

Jullibayeva Shahodat Kuralbay qizi – Nukus davlat pedagogika institutining 2-bosqich talabasi

Utemuratova Nargiza Aliyevna – Qoraqalpog‘iston Respublikasi Nukus madaniyat va san’at kollejining 2-bosqich o‘quvchisi

Ahmedova Dilrabo Obid qizi – Andijon davlat universitetining 1-bosqich talabasi

Obidjonova E’zoza Akmaljon qizi – Andijon viloyati Marhamat qishloq va suv xo‘jaligi kasb-hunar kollejining 1-bosqich o‘quvchisi

Baxshilloyeva Gulchiroy Baxtiyor qizi – Buxoro san’at kollejining 2-bosqich o‘quvchisi

Bozorova Safiya Safar qizi – Buxoro viloyati Jondor tumanidagi 21-umumiy o‘rta ta’lim maktabining 10-sinf o‘quvchisi

Abdullayeva Visola Ubaydulla qizi – Jizzax transport va aloqa kasb-hunar kollejining 2-bosqich o‘quvchisi

Shokirova Aziza Ilhom qizi – O‘zbekiston Respublikasi Ichki ishlar vazirligining Jizzax akademik litseyi 2-bosqich o‘quvchisi

Neymatova Yulduz Qosim qizi – Qashqadaryo viloyati Kitob iqtisodiyot va xizmat ko‘rsatish kasb-hunar kollejining 3-bosqich o‘quvchisi

Choriyeva Malika Shuhratovna – Qashqadaryo viloyati Qarshi tumanidagi 59-umumiy o‘rta ta’lim maktabining 10-sinf o‘quvchisi

A’zamova Munisa Akram qizi – O‘zbekiston davlat jahon tillari universitetining 1-bosqich talabasi (Navoiy viloyati)

Mannonova Mahliyo Hafiz qizi – Navoiy viloyati Uchquduq tumani bolalar va o‘smirlar sport maktabining dzyudo bo‘yicha murabbiyi

Yoqubjonova Shahnoza To‘lqinjon qizi – Namangan san’at kollejining 3-bosqich o‘quvchisi

Sayfiddinova Mushtariybegim Faxriddin qizi – Namangan davlat universitetining 1-bosqich talabasi

Samatboyeva Maftuna To‘lqinjon qizi – Samarqand iqtisodiyot va servis instituti qoshidagi akademik litseyning 3-bosqich o‘quvchisi

Yaxshiliqova Ra’no Ilhomiddin qizi – Samarqand viloyati Qo‘shrabot qishloq xo‘jalik kasb-hunar kollejining 3-bosqich o‘quvchisi

Isoqova Gulchiroy O‘ktam qizi – O‘zbekiston davlat jahon tillari universitetining 2-bosqich talabasi (Sirdaryo viloyati)

Mamirova Madinabonu Erkin qizi – Sirdaryo viloyati Guliston san’at kollejining 2-bosqich o‘quvchisi

Sahiyeva Matluba Toshpo‘lat qizi – O‘zbekiston yoshlar ittifoqining Surxondaryo viloyati kengashi qoshidagi “Salomatlik va ekologiya” markazi rahbari

Shaymardonova Muxlisa Usmonovna – Surxondaryo viloyati Termiz shahridagi 4-ixtisoslashtirilgan umumiy o‘rta ta’lim maktab-internatining 8-sinf o‘quvchisi

Karimova Muxtasar Dilshod qizi – Toshkent viloyati Bekobod tumanidagi 6-umumiy o‘rta ta’lim maktabining 9-sinf o‘quvchisi

Umirzoqova Iroda Abdigapbar qizi – Toshkent viloyati Chirchiq shahridagi 14-umumiy o‘rta ta’lim maktabining 8-sinf o‘quvchisi

Jo‘rayeva Sevara Murotjonovna – V.Uspenskiy nomidagi Respublika ixtisoslashtirilgan musiqa akademik litseyining 10-sinf o‘quvchisi (Farg‘ona viloyati)

Ermatova Zulayho Rustamjon qizi – Farg‘ona politexnika institutining 2-bosqich talabasi

Abdikarimova Zuhra Bahromovna – Urganch davlat universitetining 4-bosqich talabasi

Yusupova Shohida Umidjon qizi – Xorazm viloyati Yangibozor pedagogika va sport kollejining 3-bosqich o‘quvchisi

Abdullayeva Inoyatxon Bunyod qizi – V.Uspenskiy nomidagi Respublika ixtisoslashtirilgan musiqa akademik litseyining 3-bosqich o‘quvchisi

Abdusattorova Bahora Fazliddinovna – O‘zbekiston Milliy universitetining 1-bosqich talabasi