🔺 Toshkent davlat tibbiyot universiteti hamda Muhammad Al-Xorazmiy nomidagi Toshkent axborot texnologiyalari universiteti o‘rtasida imzolangan hamkorlik kelishuvi ijrosini ta’minlash, shuningdek, 2026-yil — “Mahallani rivojlantirish va jamiyatni yuksaltirish yili” Davlat dasturida belgilangan vazifalarni amalga oshirish hamda joriy yil 7-aprel kuni Prezident Shavkat Mirziyoyev raisligida o‘tkazilgan jismoniy tarbiya va sport sohasidagi ustuvor vazifalarga bag‘ishlangan videoselektor yig‘ilishida belgilangan topshiriqlar ijrosi doirasida universitet hududida muhim profilaktik tadbir tashkil etildi.
✈️ Tadbir davomida Toshkent davlat tibbiyot universitetining 20 ta yo‘nalishi bo‘yicha malakali shifokorlari tomonidan:
◾️ professor-o‘qituvchilar
◾️ ishchi-xodimlar
◾️ universitetga yondosh Xiyobon-tepa va Bodomzor mahallalari fuqarolari uchun chuqurlashtirilgan bepul tibbiy ko‘rik tashkil etilmoqda.
➡️ Mazkur tashabbusning asosiy maqsadi:
🟢 salomatlik holatini muntazam nazorat qilish
🟢 kasalliklarni erta aniqlash
🟢 sog‘lom turmush tarzini keng targ‘ib etish
🟢 aholiga malakali tibbiy maslahatlar berish
✈️ Ko‘rik jarayonida fuqarolarga umumiy tibbiy tekshiruvlar o‘tkazilib, zarur tavsiyalar hamda mutaxassislar maslahatlari taqdim etilmoqda.
🔺 Bunday hamkorlikdagi amaliy tadbirlar ikki oliy ta’lim muassasasi o‘rtasidagi aloqalarni yanada mustahkamlash, sog‘lom muhitni qaror toptirish hamda jamiyat farovonligiga xizmat qiladi.
➡️Tadbirlar belgilangan reja asosida davom etmoqda.