✅ Uchrashuvda taʼlim sohasidagi xalqaro hamkorlikning asosiy masalalari, jumladan TATU talabalari va professor-o‘qituvchilari uchun mobillilik dasturlarini yo‘lga qo‘yish, yozgi oromgoh, o‘zaro tashriflar doirasida ma’ruzalar, seminar-treninglar tashkil etish, qisqa muddatli amaliyot va stajirovkalar o‘tash masalalari muhokama qilindi.
Mazkur tashrif davomida TATU va Sumg‘ayit davlat universiteti o‘rtasida hamkorlik memorandumi imzolandi.
🗒 Ma’lumot uchun:
Sumg‘ayit davlat universiteti – Ozarbayjonning Sumg‘ayit shahrida joylashgan oliy taʼlim muassasasi. Universitet 1961-yilda Ozarbayjon Davlat neft va sanoat universitetining filiali sifatida tashkil etilgan va 2000-yildan mustaqil universitetga aylangan. SSU muhandislik, iqtisodiyot, tabiiy va gumanitar fanlar bo‘yicha ixtisoslashgan.
