Avval xabar qilganimizdek, joriy yilning 10-dekabrdan 20-dekabrga qadar Toshkent shahar va Toshkent viloyati OTMlari o‘rtasida O‘FA kubogi musobaqasi bo‘lib o‘tdi va bugun ushbu turnir nihoyasiga yetdi.
⚽️ Unda universitetimiz talaba yoshlaridan tashkil topgan futzal terma jamoamiz final bahsida Chirchiq pedagogika universitetining talabalar futzal jamoasi bilan bahs olib bordilar. Qizg‘in kurashlar ostida kechgan bahsda uchrashuvning birinchi yarmida 2:0 hisobida ortda borayotgan futzalchi talabalarimiz o‘yinning ikkinchi yarmida o‘ziga xos “Comeback” qilib 3:2 hisobida g‘alaba qozondilar va chempionlikni qo‘lga kiritdilar. Shuni ta’kidlash kerakki, talabalar terma jamoamiz ushbu musobaqa doirasida chempionlik yo‘lida 7 ta o‘yinda qatnashib, barchasida g‘alaba qozondilar.
🥇 Eslatib o‘tamiz, bu respublikamiz oliy ta’lim muassasalari talabalari o‘rtasida o‘tkazilgan musoboqalarda universitetimiz tarixida erishilgan birinchi chempionlik hisoblanadi.
