Muhammad al-Xorazmiy nomidagi Toshkent axborot texnologiyalari universiteti Kompyuter tizimlari kafedrasi mudiri Raximov Mexriddin Fazliddinovich AQShning American Councils for International Education tashkilotining Faculty Enrichment Program (FEP) ta’lim dasturi doirasida AQSHning University of Wyomingda to‘rt oy davom etgan malaka oshirish kursini muvaffaqiyatli yakunladi.
💻 Ushbu dastur orqali TATU dotsenti AQSHning yetakchi universitetida ta’lim jarayonida o‘quv dasturlarini ishlab chiqish, o‘qitish va baholash metodologiyalari bo‘yicha xalqaro tajribaga ega bo‘ldi, shuningdek ta’lim sohalari bo‘yicha egallangan bilimlarini mustahkamlab, yangi o‘quv materiallar shakllantirish boʻyicha yangi bilim va ko‘nikmalarga ega bo‘ldi.
⭐️ Quvonarlisi, mazkur stajirovka doirasida AQSHning nufuzli "Laramie Boomerang" gazetasida M.Raximovning UW School of Computing kafedrasi ilmiy-amaliy loyihalarida ishtiroki haqida maqola chop etildi.
