2024-yil 4-noyabr kuni TATU Kompyuter injiniring va Dasturiy injiniring fakultetlari talabalari hamda Iqtidorli talabalarning ilmiy-tadqiqot faoliyatini tashkil etish bo‘limi bilan uchrashuv bo‘lib o‘tdi. Tadbirda 356 nafar talaba ishtirok etdi.
👤 Uchrashuvni Ilmiy ishlar va innovatsiyalar bo‘yicha prorektor K.Tashev rahbarligida iqtidorli talabalarning ilmiy-tadqiqot faoliyatini tashkil etish bo‘limi xodimlari olib bordilar.
🔄 Uchrashuv davomida talabalarga iqtidorli talabalarni tanlash, ularni qo‘llab-quvvatlash va ilmiy-tadqiqot ishlariga jalb qilish, shuningdek davlat va nomdor stipendiyalar tanloviga tayyorlash haqida batafsil ma’lumotlar berildi.
Bundan tashqari, xalqaro va respublika miqyosidagi olimpiadalar va tanlovlarda ishtirok etish imkoniyatlari to‘g‘risida ham ma’lumotlar yetkazildi. Talabalar tomonidan berilgan savollarga bo‘lim boshlig‘i G.Axmedjanova javob berdilar.
