Universitetimizning ilmiy va pedagogik faoliyat doirasida jahonning bir nechta nufuzli universitetlari bilan hamkorlikda ish olib borayotganligi barchamizga ma’lum. Ana shunday hamkorlik ishlari doirasida al-Farobiy nomidagi KazMU magistratura talabalari bizning universitetimizda amaliyot o‘tadilar.
Amaliyot davomida stajyorlar universitetimizdagi o‘quv va amaliy laboratoriyalar, kutubxona hamda universitetda talab ava professor-o‘qituvxhilar uchun yaratilgan bir qator imkoniyatlar bilan yaqindan tanishtirildi. Stajyorlik faoliyati davomida mehmonlar universitetimiz "Televizion va media texnologiyalar" va "Suniy intellekt" kafedrasi o‘qituvchilari bilan birga ilmiy izlanishlarini olib bordilar. Jumladan, "Suniy intellekt" kafedrasi o‘quv laboratoriyasi va dargohimizning media markazi mehmonlarda katta qiziqish uyg‘otdi.
Stajyorlik faoliyati yakunida mehmonlar o‘zlarining dissertatsiya ishlari bo‘yicha ilmiy seminarda taqdimot qilidilar va dastur yakunida ular guvohnoma bilan taqdirlandilar.
Ma’lumot uchun: al-Farobiy nomidagi Qozog‘iston Milliy universiteti TOP-300 universitetlar ro‘yhatidan joy olgan.
