Joriy yilning 14-noyabr kuni Microsoft kompaniyasi tomonidan beriladigan Xalqaro "MS Azure certificate"ni olish istagida bo‘lgan talabalar uchun trening o‘tkazildi. Mazkur trening talabalar uchun online shaklda Zoom formatida tashkil etildi.
💻 Muhammad al-Xorazmiy nomidagi Toshkent axborot texnologiyalari universiteti va Janubiy Koreyaning KOICA agentligi hamda Kookmin universiteti bilan hamkorlikda amalga oshirayotgan "TATUda innovatsion biznes IT ta’lim tizimini tashkil etish" grant loyihasi doirasida Xalqaro "MS Azure certificate"ni olish istagida bo‘lgan talabalar uchun mazkur sertifikatni olish bo‘yicha Kookmin universiteti professor-o‘qituvchilari tomonidan zaruriy bilim hamda ko‘nikmalar berildi.
📊 Mazkur loyihada ishtirok etib Xalqaro sertifikatni qo‘lga kiritish istagida bo‘lgan 25 nafar TATU talabalarining sertifikatni olish uchun sarflangan mablag‘lari qoplab beriladi.
