Bugun bahorning ilk kuni. Bu sana xalqimizning taniqli shoirasi Zulfiya Isroilova tavallud topgan kun ekanligi bilan yanada ahamiyatlidir.
Shu munosabat bilan Muxammad al-Xorazmiy nomidagi Toshkent axborot texnologiyalari universitetining talabalar turar joyida bayram tadbiri bo‘lib o‘tdi.
Tadbirni XQK raisi X,J,Sultanova ochib berdi. Zulfiyaxonimning yuksak insoniy fazilatlari bugun ham yoshlar uchun ibrat bo‘lib xizmat qilishi, uning sermahsul ijodi, go‘zal she’riyatini barcha adabiyot ixlosmandlari sevib o‘qishlari va shoiraning adabiy merosi nihoyatda boy ekanligi,o‘nlab kitoblari o‘zbek adabiyoti xazinasidan mustahkam o‘rin olganligi,shuningdek ko‘plab taniqli xorij ijodkorlari asarlarini o‘zbek tiliga mahorat bilan o‘girganligi xususida so‘z yuritdi. Zulfiya nafaqat badiiy ijodi bilan, ayni paytda o‘zbek ayoliga xos vafo va sadoqat timsoli sifatida ham xalqimiz mehrini qozongan.
Tadbir doirasida Zulfiya hayoti haqidagi kompozitsiya, shoira she’rlariga bastalangan qo‘shiqlar ijro etildi. Tadbir orqali talabalarning darsdan bo‘sh vaqtlari mazmunli o‘tdi.
