3-oktyabr kuni Muhammad al-Xorazmiy nomidagi Toshkent axborot texnologiyalari universitetida rektor B.Maxkamov boshchiligida universitet rahbariyati, bo‘lim boshliqlari, ma’sullar va Kompyuter injiniring fakulteti 1-bosqich talabalari ishtirokida ochiq muloqot bo‘lib o‘tdi.
🇺🇿 Uchrashuvda dastavval, Yoshlar masalalari va ma’naviy-ma’rifiy ishlar bo‘yicha birinchi prorektori D.Yaxshibayev, Karyera markazi rahbari J.Maxmudov, "Kompleans nazorati" tizimini boshqarish boʻlimi boshligʻi M.Miryoqubov, Iqtidorli talabalarning ilmiy-tadqiqot faoliyatini tashkil etish bo‘limi boshlig‘i G.Axmedjanovalar ishtirokida taqdimotlar qilindi hamda universitetda so‘nggi yillar davomida erishilgan yutuqlar va ta’lim tizimida amalga oshirilayotgan o‘zgarishlar to‘g‘risida videorolik namoyish etildi. Uchrashuv yakunida esa talabalar o‘zlarini qiziqtirgan barcha savollariga javob oldilar.
❔ Ochiq muloqot tarzida tashkillashtiriladigan ushbu uchrashuvda rektor talabalarning muammo va masalalar yuzasidan erkin fikrlari, taklif va tashabbuslarini tingladi. Bu borada ularga qancha yordam, ko‘mak zarur bo‘lsa, qo‘llab-quvvatlashga doim tayyor ekanligini bildirdi.
