Toshkent axborot texnologiyalari universitetida olib borilayotgan ma’naviy-ma’rifiy tadbirlar samaradorligini oshirish, professor-o‘qituvchilarning ma’naviy saviyasini yanada yuksaltirish maqsadida, qishki ta’til davrida mashg‘ulot va seminarlar tashkil etilmoqda. Jumladan,4-5 yanvar kunlari Toshkent Davlat sharqshunoslik instituti hamda Toshkent Davlat yuridik universiteti bilan hamkorlikda "Bugungi dunyoning mafkuraviy manzarasi”, "Diniy ekstremizm va fundamentalizm, ularning mohiyati va ildizlari”, "Kecha kim edigu, bugun kim bo‘ldik” kabi mavzularda seminarlar tashkil etildi. Seminarda TDShI dotsenti Muxammadolim Maxammadsiddiqov hamda TDYuU dotsenti Raxmon Qo‘chqorovlar ma’ruzalari bilan ishtirok etdilar.
