O‘zbekiston fanlar akademiyasi akademigi, texnika fanlari doktori, Dasturiy injiniring fakulteti, "Axborot texnologiyalarining dasturiy ta’minoti" kafedrasi professori Mirzoyan Mirzaaxmedovich Komilovning tavallud ayyomlari.
🗒 Akademik Mirzoyan Mirzahmedovich Komilov 1936 yil 17 oktyabrda Toshkentda tug‘ilgan. 1960 yilda N.E. Bauman nomidagi Moskva Oliy texnika bilim yurtini tugatgan. Mehnat faoliyatini O‘zbekiston Fanlar akademiyasi qoshidagi Hisoblash markazida muhandislikdan boshlagan.
M. Komilov informatika va kibernetika sohalari rivojiga munosib ulush qo‘shgan. Xususan, texnik-texnologiya turdagi murakkab tizimlarni modellashtirish, uzluksiz jarayonlarni adaptiv identifikatsiyalash hamda shu sohada hisoblash tizimlarini qo‘llashning yangi usulini asoslab bergan. Respublikada birinchilardan bo‘lib tizimli tahlilga hamda kimyoviy texnologiya jarayonlarni muqobil boshqarish va identifikatsiyalash uchun boshqaruv hisoblash majmualarini qo‘llashga asos solgan.
Mamlakatimizda ilm-fan, ta’lim sohalarini rivojlantirish yo‘lidagi ulkan xizmatlari uchun "Mehnat shuhrati" ordeni bilan mukofotlangan.
🎁Shu munosabat bilan Universitet nomidan ularga sog‘lik-salomatlik va uzoq umr tilaymiz!