Jamoat xavfsizligi universitetiga qarashli "Axborot texnologiyalari" kafedrasining yillik rejasiga ko‘ra, Muhammad al-Xorazmiy nomidagi Toshkent axborot texnologiyalari universitetidan axborot-kommunikatsion texnologiyalari sohasidagi yetakchi mutaxassislar taklif qilindi.
Joriy yilning 1-noyabr sanasida 1 va 2- bosqich kursantlar batalyoni ishtirokida TATUning "Teleradioeshittirish tizimlari" kafedrasi dotsenti Begmatov Shoxrux Abduvaxob o‘g‘li tomonidan “Tasvirlarga ishlov berishda sun’iy intellekt texnologiyalaridan foydalanish” mavzusida mahorat darsi tashkil etildi. Mahorat darsida ma’ruzachi axborot- kommunikatsiya texnologiyalari orqali yagona interaktiv davlat xizmatlari portalida ma’lumotlar almashinish jarayonini tushuntirib berdi.
