Joriy yilning 27-mart kuni Muhammad al-Xorazmiy nomidagi Toshkent axborot texnologiyalari universitetiga keng qamrovli bulutli xizmatlar, kontentni yetkazib berish, hosting yechimlari bo‘yicha xalqaro yetakchi "Gcore" kompaniyasi vakillari tashrif buyurdi.
Uchrashuvda universitet bitiruvchilarining kompaniyada amaliyot/stajirovka o‘tash, yuqori daromadli doimiy ish bilan ta’minlash, shuningdek, kompaniyaning yetakchi mutaxassislari ishtirokida universitetda seminar-treninglar tashkil etish masalalari muhokama qilindi. TATU va "Gcore" kompaniyasi o‘rtasida mazkur yo‘nalishlarda yaqindan hamkorlik qilish bo‘yicha aniq vazifalarni o‘z ichiga olgan hamkorlik memorandumi imzolashga kelishib olindi.
Ma’lumot uchun: "Gcore" kompaniyasida 600dan ortiq xodim faoliyat yuritadi. Kompaniyanining shtab-kvartirasi Lyuksemburgda joylashgan bo‘lib, uning Vilnyus, Krakov, Belgrad, Nikosiya, Tbilisi, Manila, Seul, Tokio va Toshkent shaharlarida ofislari mavjud. Toshkentdagi ofisida 160 dan ortiq xodimlar faoliyat yuritadi.