Bugun Yaponiya Xalqaro Hamkorlik Agentligi (JICA)ning “Oliy ta’limda fan va muhandislik sohasida inson resurslarini rivojlantirish” loyihasi doirasida “Asia Seed and Oriental Consultants Global” tashkiloti vakillari TATUga tashrif buyurdi.
➡️ Tashrif davomida mehmonlar JICA bilan hamkorlikda universitetda amalga oshirilgan loyihalar, xususan, tashkil etilgan Media Markaz faoliyati bilan yaqindan tanishdilar.
📝 Uchrashuvda “Oliy ta’limda fan va muhandislik sohasida inson resurslarini rivojlantirish” rasmiy rivojlanish yordami (ODA) loyihasini O‘zbekistonda amalga oshirish bo‘yicha TATUning ishtirok etish imkoniyatlari va vazifalari muhokama qilindi. Ma’lumot uchun, 2027-yilda boshlanishi rejalashtirilayotgan ushbu loyiha yo‘l xaritasi doirasida hozirda so‘rovnoma o‘tkazish orqali yo‘nalish bo‘yicha dastlabki ma’lumotlar yig‘ilmoqda. Ushbu bosqichni “Asia Seed and Oriental Consultants Global” tashkiloti amalga oshirishi belgilangan.
