Muhammad al-Xorazmiy nomidagi Toshkent axborot texnologiyalari universitetida "Dolzarb 90 kun" loyihasi doirasida Jinoyatchilik va huquqbuzarliklarning oldini olish, iqtidorli yoshlarni qo‘llab-quvvatlash, talaba va o‘quvchilarning bo‘sh vaqtini mazmunli tashkil etish maqsadida “Jaholatga qarshi ma’rifat” mavzusida ma’naviy-ma’rifiy targ‘ibot tadbiri bo‘lib o‘tdi.
Tadbir davomida yoshlarda yuksak fuqarolik pozitsiyasini shakllantirish, siyosiy-huquqiy madaniyat va ijtimoiy faollikni oshirish, mafkuraviy tahdidlarga qarshi barqaror immunitet hosil qilish masalalariga alohida e’tibor qaratildi.
Tadbirda universitet rahbariyati, Yunusobod tumani MFY raislari, mahalla yoshlari, Yunusobod Oq-tepa jome masjidi imom-xatibi Obidov Nurullo Raxmatullayevich, Yunusobod tumani IIO FMB, 5-IIB HPB profilaktika inspektori katta leytenant Akbaraliyev Farrux Shavkatjon o‘g‘li, fakultet dekanlari, dekan muovinlari, tyutorlari hamda talaba-yoshlar qatnashdilar.
Tadbir so‘ngida talaba-yoshlar maruzachilarga o‘zlarini qiziqtirgan savollar bilan murojaat qilishdi va kerakli javoblarni oldilar.
