Спортнинг футбол тури бўйича ўтказилган “Директор кубоги” мусобақаси ғолиблари тақдирланди

Бугун, Муҳаммад ал-Хоразмий номидаги Тошкент ахборот технологиялари университети Қарши филиалида оммавий спортни янада ривожлантириш мақсадида, спортнинг футбол тури бўйича ўтказилган “Директор кубоги” мусобақаси ғолиблари тақдирланди.

Тантанали тақдирлаш маросимида Муҳаммад ал-Хоразмий номидаги Тошкент ахборот технологиялари университетининг касаба уюшмаси қўмитаси раиси Соҳиб Жумаев иштирок этиб, талабаларни табриклади.

Шундан сўнг, мусобақа ғолибларига филиал директорининг кубоги, ташаккурномалар ва касаба уюшмасининг эсдалик совғалари топширилди.