O‘zbekiston Respublikasi Prezidentining 2024-yil 16-oktyabrdagi PF–158-sonli Farmoni ijrosini ta’minlash, kasbiy ta’lim tizimini takomillashtirish hamda universitet va texnikumlar o‘rtasidagi amaliy hamkorlikni mustahkamlash maqsadida Bo‘ka tumani 1-son texnikumida “Rahbar va yoshlar” uchrashuvi hamda Sayyor qabul tashkil etildi.
👥 Uchrashuvda Muhammad al-Xorazmiy nomidagi Toshkent axborot texnologiyalari universiteti rektori, professor B.Sh. Maxkamov, universitet rahbariyati vakillari, xodim va mutaxassislari, texnikum pedagoglari hamda o‘quvchi-yoshlar ishtirok etdilar.
💬Tadbir davomida yoshlarning zamonaviy IT yo‘nalishlariga bo‘lgan qiziqishini oshirish, ularni kasbiy rivojlantirish, innovatsion fikrlash va amaliy ko‘nikmalarini shakllantirish masalalari yuzasidan ochiq muloqot olib borildi. Yoshlar tomonidan bildirilgan taklif va tashabbuslar tinglanib, ularni qo‘llab-quvvatlash bo‘yicha tavsiyalar berildi.
🏆Shuningdek, texnikum o‘quvchilari o‘rtasida tashkil etilgan Dasturlash, Kompyuter grafikasi va dizayn hamda Raqamli axborotlar bilan ishlash yo‘nalishlari bo‘yicha olimpiada g‘oliblari hamda texnikumda ko‘p yillardan buyon samarali mehnat qilib kelayotgan bir guruh xodimlar universitet rahbariyatining tashakkurnomalari va esdalik sovg‘alari bilan tantanali ravishda taqdirlandilar.
Mazkur uchrashuv yoshlarning bilim va salohiyatini qo‘llab-quvvatlash, ularni zamonaviy kasblarga yo‘naltirish hamda universitet va texnikum o‘rtasidagi integratsiyani yanada mustahkamlashga xizmat qildi.