Oʻzbekiston Respublikasining Davlat bayrogʻi qabul qilinganligining yigirma toʻqqiz yilligi munosabati bilan TATU rektorining bayram tabrigi

  • Asosiy
  • Oʻzbekiston Respublikasining Davlat bayrogʻi qabul qilinganligining yigirma toʻqqiz yilligi munosabati bilan TATU rektorining bayram tabrigi

Qadrli vatandoshlar!

Barchangizni Oʻzbekiston Respublikasining Davlat bayrogʻi qabul qilinganligining yigirma toʻqqiz yilligi munosabati bilan chin qalbimdan samimiy tabriklayman!

1991-yil 18-noyabrda “Oʻzbekiston Respublikasining davlat bayrogʻi toʻgʻrisida”gi qonunning qabul qilinishi bilan mamlakat davlat suverenitetining ramzi – bayrogʻimiz tasdiqlandi. 29 yildan beri bayrogʻimiz yurtimizda va dunyoning nufuzli minbarlarida ozodlik va hurlik ifodasi sifatida hilpirab turibdi.

1992-yilning 2-martidan Oʻzbekiston toʻlaqonli suveren respublika sifatida tan olinganining ramzi sifatida bayrogʻimiz Birlashgan Millatlar Tashkilotining Bosh qarorgohi oldida ham hilpiray boshladi. Mana, yigirma toʻqqiz yildirki, u xalqaro maydonda mamlakatimizning kuch-qudrati, mustaqilligimizning jahonaro ifodasi, xalqimiz gʻururi va iftixori timsoli boʻlib xizmat qilmoqda.

Oʻzbekiston Respublikasi Davlat bayrogʻiga boʻlgan hurmat – xalqqa, Vatanga boʻlgan ehtirom belgisidir. Yurtimiz bayrogʻi yuksaklarga koʻtarilgani sayin bizning kelajakka, yurtimiz ravnaqiga ishonchimiz ham oʻsib boradi.

Yana bir bor barcha vatandoshlarimizni bugungi qutlugʻ ayyom bilan chin qalbimdan samimiy tabriklayman!