Muhammad al-Xorazmiy nomidagi Toshkent axborot texnologiyalari universiteti talabalari uchun "UzGeeks Meetup"ning navbatdagi “Android dasturchilarda ko‘p uchraydigan xatolar va Augmented Reality va AR Core SDK” mavzularida master-class bo‘lib o‘tdi
Mazkur tadbirda AQSHning “Jafton” kompaniyasida faoliyat yuritib kelayotgan tajribali dasturchilar o‘zlarining faoliyatlari davomida shu sohada orttirgan bilim va tajribalari, izlanishlari hamda IT sohasidagi eng so‘nggi yangiliklar bilan o‘rtoqlashdilar. O‘z navbatida tadbirga kelgan yosh mutaxassislar va talabalarga nazariy bilimlarni amaliyotda qo‘llanilishi bo‘yicha kerakli tavsiyalar hamda talabalarning mavzuga oid bo‘lgan savollariga mutaxassislar tomonidan batafsil javoblar berildi.
