Universitet talaba-yoshlari orasida ko‘ngilli talaba-yoshlar tomonidan amalga oshirilayotgan tashabbuslar bugungi kunda keng qamrovli va tizimli tus olib, nafaqat ta’lim muassasasi doirasida, balki jamiyatning turli qatlamlarini ham qamrab olgan holda samarali yo‘lga qo‘yilgan. Ushbu faoliyatlar orqali yoshlar o‘rtasida Sog‘lom turmush tarzini targ‘ib qilish, ekologik madaniyatni shakllantirish, ijtimoiiy faollikni oshirish hamda fuqarolik mas’uliyatini mustahkamlash kabi ustuvor yo‘nalishlarda muhim natijalarga erishilmoqda.
Ko‘ngilli talaba-yoshlarning tashabbuslari asosida tashkil etilayotgan ma’naviy-ma’rifiy tadbirlar, turli uchrashuv va davra suhbatlari yoshlarning dunyoqarashini kengaytirish, ularni milliy va umuminsoniy qadriyatlarga hurmat ruhida tarbiyalashga xizmat qilmoqda. Shu bilan birga, sport-sog‘lomlashtirish yo‘nalishidagi loyihalar orqali talabalar o‘rtasida jismoniy faollikni oshirish, sog‘lom turmush tarzini kundalik hayotga singdirish va zararli odatlarning oldini olishga qaratilgan samarali targ‘ibot ishlari olib borilmoqda.
Alohida e’tiborga loyiq jihatlardan biri shundaki, ko‘ngilli yoshlar tomonidan ilgari surilayotgan ekologik tashabbuslar izchil davom ettirilib, daraxt ekish, hududlarni obodonlashtirish, yashil maydonlarni kengaytirish, chiqindilarni saralash va qayta ishlash madaniyatini joriy etish borasida amaliy ishlar olib borilmoqda. Bu esa talabalarda tabiatga ongli munosabat, ekologik mas’uliyat va yashil tafakkurni shakllantirishda muhim ahamiyat kasb etmoqda.
Shuningdek, ko‘ngilli talaba-yoshlar tomonidan amalga oshirilayotgan xayriya va ijtimoiy ko‘mak faoliyatlari orqali ijtimoiy himoyaga muhtoj qatlamlarga amaliy yordam ko‘rsatish, mehr-oqibat va insonparvarlik tamoyillarini keng targ‘ib qilish yo‘lga qo‘yilgan. Bunday tashabbuslar yoshlar qalbida mehr-saxovat, hamjihatlik va insooniylik fazilatlarini yanada mustahkamlashga xizmat qilmoqda.
Bundan tashqari, ko‘ngilli yoshlarning faolligi natijasida universitetda innovatsion va ijtimoiy loyihalar soni ortib, talabalar o‘z g‘oya va tashabbuslarini amaliyotga joriy etish imkoniyatiga ega bo‘lmoqda. Bu jarayon yoshlarning liderlik qobiliyatlarini rivojlantirish, jamoada ishlash ko‘nikmalarini shakllantirish hamda ularning kelajakdagi kasbiy faoliyatiga mustahkam zamin yaratmoqda.
Umuman olganda, ko‘ngilli talaba-yoshlar harakati universitetda ijtimoiy faol muhitni shakllantirish, yoshlarning bo‘sh vaqtini mazmunli tashkil etish, ularni har tomonlama barkamol shaxs sifatida tarbiyalash hamda jamiyat taraqqiyotiga daxldorlik hissini kuchaytirishda muhim o‘rin tutmoqda. Ushbu jarayonlar natijasida talaba-yoshlarning tashabbuskorligi, faolligi va mas’uliyati izchil oshib borayotgani kuzatilmoqda.
FOTOLAVHA
 |
 |
 |
 |
 |