MARKAZIY OSIYODA YUQORI TA’LIMNI YANGI TEXNOLOGIYALAR ORQALI MODERNIZATSIYALASH (HiEdTec). Loyiha Erasmus+ tomonidan moliyalashtirilgan. Ijro muddati: 2018–2021-yillar.
Koordinator: Sobirjon Yusupov, Dotsent
Telefon: 998 93 387 64 11
Email: s.yusupov@tuit.uz
Veb-sayt: http://hiedtec.ecs.uni-ruse.bg
Konsorsiumning asosiy maqsadlari:
- Informatsion-kommunikatsion texnologiyalarga asoslangan innovatsion ta’lim texnologiyalari va didaktik modellarning joriy etilishi orqali rivojlanayotgan davlatlarda (PCs) ta’lim tizimini raqamli avlodga moslashtirish;
- Raqamli pedagogika va innovatsion ta’lim texnologiyalari (IET) sohalarida tajriba va ilg‘or amaliyot almashinuvi orqali Yevropa Ittifoqi va rivojlanayotgan davlatlar oliy o‘quv yurtlari o‘rtasidagi aloqalarni mustahkamlash orqali ta’limning xalqaro darajasini oshirish.
Loyihaning aniq maqsadlari quyidagilardan iborat:
- 2019-yil avgustgacha IET va didaktik modellar sohasida tajriba almashish va ilg‘or amaliyotlar bo‘yicha barqaror akademik tarmoq yaratish.
Tarmoq dastlab loyiha ishtirokchisi bo‘lgan oliy ta’lim muassasalarini qamrab oladi, keyinchalik boshqa OTMlar ham qo‘shilishi mumkin. Ushbu tarmoq loyiha tugagandan so‘ng ham faoliyatini davom ettiradi va loyiha barqarorligiga xizmat qiladi. - 2019-yil dekabrgacha har bir rivojlanayotgan davlat sharoitlarini hisobga olgan holda ta’lim tizimini raqamli avlodga moslashtirish bo‘yicha konsepsiyalar ishlab chiqish.
Maqsad — IET va didaktik modellarni samarali joriy etish orqali istalgan joyda, istalgan vaqtda, istalgan o‘qituvchi yordamida, istalgan qurilmadan (kompyuter, noutbuk, planshet, smartfon va h.k.) foydalanib, hamma uchun ta’lim olish imkoniyatini yaratish. - 2019-yil noyabrgacha barcha rivojlanayotgan davlatlar OTMlarida IET markazlari, faol o‘quv xonalari va virtual sinflar tashkil etish.
Bu markazlarni yaratish Yevropa Ittifoqining ochiq ta’limni yangi texnologiyalar orqali rivojlantirish talabi asosida amalga oshiriladi. - 2020-yil sentabrgacha o‘qituvchilar va trenerlar uchun raqamli ko‘nikmalar va innovatsion o‘qitish-uslubiy uslublar bo‘yicha kurslar tashkil etish.
- 2021-yil avgustgacha ochiq ta’lim resurslari (OER) va raqamli ta’lim resurslari uchun bulutli virtual kutubxona ishlab chiqish.
- Raqamli avlodga moslashish zarurligini rivojlanayotgan davlatlar OTMlari va keng jamoatchilikka yetkazish, shu orqali loyiha ta’sir doirasini kengaytirish. Tarqatish ishlari aynan shu maqsadga xizmat qiladi.
Ushbu maqsadlarga erishish orqali loyiha hamkor universitetlarni innovatsion OTMlarga aylantirish va sanoatning raqamli transformatsiyasi (Sanoat 4.0) uchun zarur mutaxassislar tayyorlash sifatini oshirishga yordam beradi.
LOYIHANING ASOSIY NATIJALARI VA MAHSULOTLARI:
- IET va didaktik modellar sohasida tajriba almashish va ilg‘or amaliyotlar bo‘yicha barqaror akademik tarmoq;
- Ta’lim tizimini raqamli avlodga moslashtirish bo‘yicha 5 ta konsepsiya — har bir hamkor davlat uchun bittadan;
- 15 ta innovatsion ta’lim texnologiyalari markazi — har bir hamkor OTMda bittadan;
- 45 ta faol o‘quv xonasi — har bir OTMda 3 tadan;
- Virtual sinflar — har bir OTMda bittadan;
- Innovatsion ta’lim texnologiyalari qo‘llanmasi;
- Raqamli ko‘nikmalar va o‘qitish metodikalari bo‘yicha trenerlar uchun kurslar;
- O‘qituvchilar uchun raqamli ko‘nikmalar va dars uslublari bo‘yicha kurslar;
- 75 ta e-o‘quv kursi — har bir OTMda 5 tadan;
- 75 ta PowerPoint taqdimoti — interaktiv doskada dars o‘tish uchun mos;
- Bulutli texnologiyalarga asoslangan raqamli ta’lim resurslari kutubxonasi.
Joriy yilning 11–16 mart kunlari Muhammad al-Xorazmiy nomidagi Toshkent axborot texnologiyalari universiteti (TATU) professor-o‘qituvchilari Bolgariyaning Ruse universitetida bo‘lib o‘tgan ERASMUS+ loyihasining boshlang‘ich yig‘ilishida ishtirok etdilar. 598092-EPP-1-2018-1-BG-EPPKA2-CBHE-SP raqamli loyiha “Markaziy Osiyoda yangi texnologiyalar orqali oliy ta’limni modernizatsiyalash” (HiEdTec) deb nomlanadi. Yig‘ilishda Bolgariya, Italiya, Portugaliya, Lyuksemburg, O‘zbekiston, Qozog‘iston, Turkmaniston, Tojikiston va Qirg‘izistondan 15 ta oliy ta’lim muassasasi va Oliy ta’lim vazirligidan jami 54 nafar ishtirokchi qatnashdi.
Loyihada Yevropa va Markaziy Osiyo universitetlarida innovatsion ta’lim texnologiyalaridan foydalanish darajasi va ulardan ta’lim jarayonida foydalanish bo‘yicha xalqaro hamkorlik darajasi muhokama qilindi. “Angel Kanchev” Ruse universitetidan professor va loyiha koordinatori Angel Smrikarov innovatsion ta’lim texnologiyalaridan samarali foydalanish va yangi avlod texnologiyalarini ta’limga joriy etish bo‘yicha qiziqarli ma’ruza o‘qidi.