Telefon: +998712386583
Email: nargizausm@mail.ru
Veb-sayt: https://item.chania.teicrete.gr/
ITEM: KA2 ERASMUS LOYIHASI
MATEMATIKADA INNOVATSION TAʼLIM – ITEM
Loyiha raqami: 598587-EPP-1-2018-EL-EPPKA2-CBHE-JP - ENV2
Loyihaning maqsadi
Agar matematika hayotiy voqealar va texnologik yutuqlar asosida o‘rgatilsa, uni real hayot bilan bog‘lash mumkin. Matematika ilm-fan, texnologiya va jamiyatdagi asosiy muammolarni hal qilishda ajralmas va zarur vosita sifatida tan olingan: yuqori samarali hisoblashlar, katta ma’lumotlar, kvant hisoblash, moliyaviy matematika va biomatematika shular jumlasidandir.
Yevropa yaqinda matematikaning tadqiqot va innovatsiyalar sohasidagi ahamiyatini anglab etdi va talabalar matematika ko‘nikmalarini rivojlantirishga bo‘lgan e’tibor kuchaydi. Matematika o‘qitish nafaqat Yevropa, balki uning qo‘shni davlatlari uchun ham muhim masala hisoblanadi. Shu sababli ITEM loyihasi matematika taʼlimiga qaratilgan.
ITEM konsorsiumi loyihaning maqsadlariga erishish yo‘lida olib borilgan ishlarni tahlil qildi va shu paytgacha faqat baʼzi ilmiy maqolalar va Yevropa Komissiyasining hisobotlaridan tashqari, oliy taʼlim doirasida Erasmus+ chaqiruvlarida matematika taʼlimiga bag‘ishlangan boshqa hech qanday loyiha taqdim etilmaganini aniqladi. Matematikaning zamonaviy jamiyat muammolarini hal qilishdagi va yoshlarning bandligini taʼminlashdagi ahamiyatini hisobga olgan holda, ITEM loyihasi universitetlar, o‘qituvchilar, talabalar va umuman bozor uchun katta taʼsirga ega bo‘ladi.
Loyiha Chexiya Texnika Universitetidagi (CTU) tajribaga asoslanadi, bu yerda matematik kurslarini o‘qitish uslubidagi metodik o‘zgarishlar natijasida muvaffaqiyatsizlik darajasi 50% dan 20% gacha kamaygan. CTU xodimlari bilan suhbatlar o‘qitish jarayonidagi o‘zgarishlar sababini ochib berdi.
ITEM loyihasi Yevropa hamkorlarining zamonaviy taʼlim uslublari (onlayn va offlayn) bo‘yicha ko‘nikmalarini jalb qiladi va hamkor davlatlarda matematikani o‘qitish sifatini yaxshilashga yordam beradi. Shu bilan birga, loyiha davomida olingan bilim va tajriba dasturni amalga oshirayotgan davlatlarga matematika ta’lim strategiyalarini optimallashtirishga yordam beradi. Matematika va statistika barcha ishtirokchi davlatlar (Isroil, Kosovo* va O‘zbekiston) uchun milliy ustuvor yo‘nalish hisoblanadi.
Loyihaning asosiy maqsadi – bu uslubiy o‘zgarishlarni G‘arbiy Balkanlar, Isroil va O‘zbekistondagi OTMlarga hamda Gretsiya va Shimoliy Makedoniyadagi sinov muassasalariga joriy qilish.
Vazifalar
1. Kompyuter fanlari va elektrotexnika yo‘nalishidagi birinchi kurs talabalarining matematika darajasini oshirish
2. Matematika fanlari bo‘yicha muvaffaqiyatsizlik ko‘rsatkichini kamaytirish
3. Talabalarga matematikaning o‘rganayotgan sohasi bilan bog‘liqligini tushuntirish
4. Talabalarning matematikani o‘rganish qobiliyatiga bo‘lgan ishonchini oshirish
ITEM loyihasi quyidagi innovatsion o‘qitish vositalari va metodologiyalarini ishlab chiqadi:
(1) Birinchi kursdagi matematika modullarini (chiziqli algebra va analiz I) muhandislik, sun’iy intellekt, biologiya, tibbiyot, moliya, sport va boshqa sohalardagi real muammolar bilan bog‘lash;
(2) O‘qituvchilarni muammoga asoslangan va loyihaga asoslangan taʼlim metodlari (PBL, POPBL) bilan tanishtirish;
(3) Dars vaqti va undan tashqarida mobil qurilmalar orqali real muammolarni tasvirlash va simulyatsiya qilishni o‘rgatish;
(4) Talabalarning yutuqlarini baholashga yordam beruvchi dasturiy vositalarni ishlab chiqish (shaxsga yo‘naltirilgan taʼlim);
(5) Talabaning faolligi va natijalarini kuzatuvchi dasturlarni ishlab chiqish (masalan, Moodle platformasi tahlili);
(6) Talabalarning matematika ko‘nikmalariga bo‘lgan ishonchini mustahkamlash;
(7) Matematika o‘qituvchilari uchun qo‘llanmalar, video darslar, seminarlar yozuvlarini tayyorlash. Bularning barchasi loyiha davomida va undan keyin ochiq holda (umumiy litsenziya asosida) MOODLE platformasi orqali mavjud bo‘ladi.
ITEM konsorsiumida matematiklar, fiziklar, muhandislar, biologlar va pedagoglar ishtirok etadi. Bu nafaqat matematika, balki boshqa STEM fanlarining ham qanday o‘qitilishi kerakligi borasida katta ta’sir ko‘rsatadi.
CTU tajribasini ikki yo‘nalishda kengaytirishni rejalashtiryapmiz:
1. Darslarni o‘zlashtirishda qiynalayotgan talabalarni qo‘llab-quvvatlash
2. Metodik o‘zgarishlarni avtomatlashtirish va sodda qilish, bu ayniqsa resurslari cheklangan OTMlar uchun foydali bo‘ladi
Loyiha doirasida birinchi kursdagi quyidagi ikki fan qamrab olinadi:
1. Hisoblash 1 (bir o‘zgaruvchili analiz: hosila va integral)
2. Chiziqli algebra kursi (eigen qiymatlar, eigen vektorlar va SVD gacha)
Taxminiy jadval
15-noyabr 2018: Loyiha boshlanishi
Noyabr 2018 – Aprel 2019: Tayyorlov bosqichi
May 2019 – Aprel 2020: Rivojlantirish bosqichi
Yanvar 2020 – Avgust 2021: Alpha bosqichini amalga oshirish (O‘zbekiston, Kosovo, Isroil OTMlarida)
Iyul 2020 – Oktabr 2020: To‘liq joriy etishga tayyorgarlik
Sentyabr 2020 – Iyun 2021: Barcha sinov OTMlarida to‘liq joriy qilish
Iyul 2021 – Oktabr 2021: Loyiha yakuni, xulosalar va tarqatish