IT reyting markazi

Markaz faoliyati haqida ma’lumot

IT reyting markazi (keyingi o‘rinlarda – Markaz deb ataladi) boshlig‘i Muhammad al-Xorazmiy nomidagi Toshkent axborot texnologiyalari universiteti (keyingi o‘rinlarda – Universitet deb ataladi) rektori buyrug‘iga binoan lavozimga tayinlanadi va lavozimidan ozod etiladi.

Markaz boshlig‘i lavozimiga oliy ma’lumotli, o‘zbek va rus tillarini (ingliz tilini bilishi qo‘llab-quvvatlanadi) biladigan shaxs tayinlanadi.

Markaz boshlig‘i rektorga bo‘ysunadi hamda uning rahbarligida o‘z faoliyatini amalga oshiradi.

Markaz boshlig‘i o‘z faoliyatida:

• O‘zbekiston Respublikasi Konstitutsiyasi va qonunlariga;
• O‘zbekiston Respublikasi Prezidentining farmonlari, qarorlari va farmoyishlariga;
• O‘zbekiston Respublikasi Vazirlar Mahkamasining qarorlari va farmoyishlariga;
• Universitetning Ustavi, buyruq va farmoyishlari, shuningdek bo‘lim Nizomiga amal qiladi.

Markaz boshlig‘i:

• markaz faoliyatini belgilovchi va tartibga soluvchi me’yoriy-huquqiy va tashkiliy-boshqaruv hujjatlarini, universitetlar faoliyatida axborot-kommunikatsiya texnologiyalarini joriy etish va rivojlantirish samaradorligini reytingli baholash bilan ishlash tizimini, tegishli qonunlarni va me’yoriy hujjatlarni bilishi;
• Rasmiy veb-sayt va interaktiv davlat xizmatlari bilan ishlashni bilish;
• universitetning mehnatni muhofaza qilish va xavfsizlik texnikasi, binoga kirish-chiqish tartibi, ichki mehnat tartibi, odob-axloq, etika va estetika, shuningdek yong‘in xavfsizligi qoidalariga amal qilishi shart.

Markaz vazifalari:

• Universitetda O‘zbekiston Respublikasi Prezidentining Qaror va Farmonlari, O‘zbekiston Respublikasi Vazirlar Mahkamasining Qaror va Farmoyishlari ijrosini ta’minlanishini nazorat qilish.
• Universitetlarda idoralararo elektron hujjatlar aylanishi tizimining faoliyat ko‘rsatishi nazorat qilish.
• Universitetlarda ichki elektron hujjat almashinuvi tizimining faoliyatini nazorat qilish.
• Universitetlarda moddiy-texnika resurslarining hisob-kitobi va hisobotini tartibga solish, ishlab chiqarilgan mahsulotlar iste’molchilari bilan o‘zaro munosabatlarni tartibga solish maqsadida foydalaniladigan axborot tizimlari mavjudligi va ulardan foydalanish darajasini nazorat qilish.
• Universitetlarda axborot xavfsizligini ta’minlash tizimlarini yaqin yillardagi faoliyatiga joriy etish tadbirlari rejalarining mavjudligi.
• Mavjud kamchiliklar va muammolarni bartaraf va hal qilish bo‘yicha aniq takliflarni universitet rahbariyatiga taqdim etish.
• Tarkibiy bo‘linmalarning ijro va mehnat intizomini tasdiqlangan reja asosida tekshirish (kafedralar, bo‘limlar va boshqalar) va talabalardan so‘rov anketalarini o‘tkazishni tashkillashtirish.