Elchiyev Javlon Djo‘rayevich

  • Asosiy
  • Elchiyev Javlon Djo‘rayevich

Elchiyev Javlon Djo‘rayevich 1984 yil Toshkent shahrida tavallud topgan. Ma’lumoti oliy.

Toshkent axborot texnologiyalari universitetining bakalavriat (kunduzgi) va magistratura bosqichlarini hamda O‘zbekiston Respublikasi Prezidenti huzuridagi Davlat boshqaruvi akademiyasining “Davlat boshqaruvi” yo‘nalishi bo‘yicha magistraturasini tamomlagan.

Janubiy Koreyaning (NHI) Inson resurslarini rivojlantirish milliy instituti xorijiy o‘quv amaliyotida malaka oshirgan.

Mehnat faoliyatini 2006 yilda “O‘zbektelekom” aksiyadorlik kompaniyasi Shaharlararo aloqa korxonasi filiali “Ekspluatasiya va texnik qo‘llab-quvvatlash” bo‘limi muhandisi lavozimida boshlagan.

2007-2010 yillarda “UNICON.UZ” – Fan-texnika va marketing tadqiqotlari markazi muhandisi va yetakchi muhandisi, 2010-2020 yillarda “UNICON.UZ” DUK Tezkor-qidiruv tadbirlar tizimining texnik vositalarini maxsus sinov laboratoriyasi boshlig‘i hamda maxsus sertifikatlashtirish idorasi protseduralari bo‘limi boshlig‘i lavozimlarida ishlagan.

2020-2021 yillarda “UNICON.UZ” DUK Tezkor-qidiruv tadbirlar tizimining texnik vositalarini sertifikatlashtirish maxsus idorasi rahbari.

2021 yil mart oyidan “UNICON.UZ” – Fan-texnika va marketing tadqiqotlari markazi davlat unitar korxonasi Bosh menejeri lavozimida ishlab kelmoqda.

J. Elchiyev oilali, 2 nafar farzandi bor.