Universitet va uning hududiy filiallari o‘rtasidagi hamkorlik munosabatlarini yanada kengaytirish maqsadida, 4-5 may kunlari TATU "Menejment va marketing” kafedrasining bir qator professor-o‘qituvchilari:professor A.M.Qodirov,dotsent A.T.Axmedieva, kafedra mudiri Sh.A.Tursunovlar Farg‘ona filialiga tashrif buyurishdi. Tashrif davomida:
-Farg‘ona filiali "Ijtimoiy fanlar” kafedrasi professor-o‘qituvchilari bilan "Biznesni boshqarish asoslari” fanidan o‘quv-uslubiy majmualarni xorijiy adabiyotlar va manbalar asosida takomillashtirish;
-Filialda faoliyat olib borayotgan yosh o‘qituvchilar va mustaqil izlanuvchilar bilan doktorlik dissertatsiyalarini tayyorlash, mavjud muammolar va ularni bartaraf etish masalalari bo‘yicha;
-Filial professor-o‘qituvchilari bilan ilmiy-tadqiqot ishlari va xo‘jalik shartnomalarini shakllantirish hamda amalga oshirish bo‘yicha fikr va tajriba almashinildi hamda aniq amaliy takliflar berildi.
