Mazkur Tartib O’zbekiston Respublikasining "Ta’lim to’g’risida”gi
qonuni va kadrlar tayyorlash Milliy dasturi hamda O’zbekiston Respublikasi
Prezidentining 2012 yil 10 dekabrdagi "Chet tillarni o’rganish tizimini yanada
takomillashtirish chora-tadbirlari to’grisida”gi PK.-1875-son qarorida
belgilangan vazifalardan kelib chiqqan holda ishlab chiqilgan bo’lib, oliy
ta’lim muassasalari talabalari tomonidan chet tilida tayyorlangan "Eng yaxshi bitiruv
malakaviy ishi” va "Eng yaxshi magistrlik dissertatsiyasi” tanlovlarini (bundan
keyingi o’rinlarda - Tanlov deb yuritiladi) o’tkazish tartibi va shartlarini
belgilaydi.
Mazkur Tartib O’zbekiston Respublikasi Prezidenti huzuridagi Davlat boshqaruvi
akademiyasi, Bank-moliya akademiyasi, Korporativ boshqaruv ilmiy-ta’lim
markazi, xalqaro va chet el oliy ta’lim muassasalari, shuningdek oliy harbiy
ta’lim muassasalariga tatbiq etilmaydi.
Tanlovning maqsadi - oliy ta’lim muassasalarida o’quv-uslubiy jarayonni takomillashtirish,
xorijiy tillarni o’qitish jarayonlarining samaradorligini oshirishga xizmat qiluvchi
zamonaviy metodikalar, ilg’or xorijiy tajribalarni ommalashtirish va rag’batlantirish
hamda bakalavriat hamda magistraturani bitirayotgan talabalarda xorijiy
tillarni o’rganish ko’nikmalarini shakllantirish hamda ijodkorlik sifatlarini
rivojlantirishdan iborat.
Tanlov talabalar o’rtasida bilimlar sohalari (Gumanitar soha; Ijtimoiy soha, iqtisod
va huquq; Ishlab chiqarish-texnik soha; Qishloq va suv xo’jaligi; Sog’likni saqlash
va ijtimoiy ta’minot; Xizmatlar sohasi) bo’yicha alohida quyidagi
nominatsiyalarda o’tkaziladi:
Chet tilida tayyorlangan "Eng yaxshi bitiruv malakaviy ishi” nominatsiyasiga
fan, texnika va ta’limning dolzarb yo‘nalishlariga bag‘ishlangan mavzulardagi
chet tilida tayyorlangan hamda kafedra ochiq muhokamasida ijobiy baxolangan
bitiruv malakaviy ishlar nomzodning ilmiy rahbari va tegishli kafedralar
xulosasi asosida tavsiya etiladi;
Cheg tilida tayyorlangan "Eng yaxshi magistrlik dissertatsiyasi” nominatsiyasiga
dissertatsiya mavzusi dolzarb ilmiy-tadqiqot masalalariga yoki aniq amaliy
vazifani yechishga bag‘ishlangan, shuningdek mutaxassislikka mos bo‘lgan holda
amaldagi talablar asosida tayyorlangan ilmiy rahbar, yuqori malakali mutaxassis
va amaliyotchilari tomonidan ijobiy baxolangan (kamida 2 ta mutaxassis taqrizi
bilan birga), kafedra muhokamasidan muvaffaqiyatli o‘tgan ishlar magistratura bo‘limi
bilan kelishilgan holda tavsiya etiladi.
Tanlovlarini tashkil etish va o‘tkazish Namumaviy tanlov tartibi