1-avgustdan e’tiboran talabalar turar joyi (yotoqxona)ga joylashish uchun arizalar qabul qilina boshlandi.
Ariza my.gov.uz portali orqali topshiriladi.
Tartib Vazirlar Mahkamasining tegishli qarori bilan tasdiqlangan reglamentga muvofiq amalga oshiriladi.
Dastlab imtiyoz va ustuvorliklarga ega talabgorlar turar joyga qabul qilinadi.
So‘ngra ortib qolgan o‘rinlar umumiy ro‘yxat bo‘yicha navbat asosida taqsimlanadi:
✅ 1-kurs — 55–65%
✅ 2-kurs — 15–20%
✅ 3-kurs va undan yuqori — 20–25%gacha
Arizalar qabuli 1-avgustdan o‘quv yili yakuniga qadar davom etadi.
Nima o‘zgardi?
Endi turar joyga joylashish va vaqtincha ro‘yxatdan o‘tish kompozit (birlashtirilgan) xizmat orqali avtomatik amalga oshiriladi. Ilgari bu ikki jarayon uchun alohida hujjat yig‘ib, turli idoralarga murojaat qilish talab etilardi — endi ular birlashtirildi.
Jarayon quyidagicha kechadi:
✅ Arizangiz ko‘rib chiqilib, elektron shartnoma va yo‘llanma taqdim etiladi.
✅ Shartnomadagi to‘lovni amalga oshirganingizda kompozit xizmat ishga tushadi va vaqtincha ro‘yxatga olish uchun to‘lov shakllanadi.
✅ Ro‘yxatga olish to‘lovidan so‘ng turgan joyingiz bo‘yicha qayd varag‘i beriladi.
Eslatib o‘tamiz, vaqtincha ro‘yxatga qo‘yish muddati to‘lov amalga oshirilgan kundan boshlab shartnomada ko‘rsatilgan muddatgacha amal qiladi. 2026/2027-o‘quv yilida OTT 1-bosqichiga tavsiya etilgan abituriyentlar yakuniy natija chiqqandan so‘ng ariza yuborishlari mumkin bo‘ladi — ular uchun ham joylar yuqoridagi tartibda ajratiladi.