2021-yil 21-dekabrda Muhammad al-Xorazmiy nomidagi Toshkеnt axborot tеxnologiyalari univеrsitеti “Pocha aloqasi texnologiyasi” kafedrasida “Fargo Parcel Service”, “Express Mail Universal”, «BTS Express Cargo Servise» va “StarExpress” logistik kompaniyalari hamkorligida uchrashuv bo`lib o`tdi.
Uchrashuvda “Fargo Parcel Service Service” MChJ direktori Azamat Abdullayev, “Express Mail Universal” MChJ marketingni rivojlantirish bo`yicha derektor Timur Seydullayev, «BTS Express Cargo Servise» MChJ direktori Bekzod Jalolov, “StarExpress” MChJ direktori Jamoliddin Maxsudov va “Pochta aloqasi texnologiyasi” kafedrasi professor o`qituvchilari hamda magistrlari ishtirok etdi.
Tadbir davomida O‘zbеkiston Rеspublikasi Prеzidеntining 2020 yil 14 dеkabrdagi “Pochta aloqasi xizmatlarini ko‘rsatish tizimini tubdan takomillashtirish chora-tadbirlari to‘g‘risida”gi PQ-4921-sonli qarorlari ijrosini ta’minlash maqsadida universitetda yangi “Logistika injiniringi” bakalavr yo‘nalishi va “Raqamli logistika” magistratura mutaxassisliklarini tashkil etish, logistik kompaniyalar faoliyati bilan tanishish va hamkorlikda tashkil etilishi kutilayotgan istiqbolli rejalar muhokama qilindi.
Shuning bilan bir qatorda quyidagi masalalar reja asosida bajarilishi kelishib olindi:
-zamonaviy bilim va ko‘nikmalarni egallagan va kompaniya talablariga mos bo‘lgan yuqori malakali mutaxassis kadrlar tayyorlash;
-tahsil olayotgan talabalarni kompaniya profiliga mos tarkibiy bo‘linmalarida amaliyot o‘tashlarini ikki tomonlama kеlishilgan muddatlarda tashkil etish;
-talabalarning nazariy va amaliy tayyorgarligini oshirish borasida kompaniyaning malakali mutaxassilarini o‘quv jarayoniga jalb qilish;
-hamkorlikda o`quv kurslari, mahorat darslari, trеninglar, sеminarlar va boshqa tadbirlarni tashkil etish;
- o`quv, ishlab chiqarish va bitiruv oldi amaliyotini o`tashda ikki tomonlama shart-sharoitlar yaratish;
-amalyotga va bitiruv malakaviy ishiga rahbar etib kompaniyalarning yetakchi mutaxassislarini jalb etish kabi masalalar o`z yechimini topdi.
