Ayni kunlarda Ispaniyaning Barselona shahrida O‘zbekiston–Ispaniya oliy ta’lim muassasalari rektorlari forumi bo‘lib o‘tmoqda.

Forum doirasida O‘zbekiston va Ispaniyaning yetakchi universitetlari rahbarlari ishtirokida ta’lim, ilm-fan va innovatsiyalar sohalaridagi hamkorlik istiqbollari yuzasidan fikr almashilmoqda.

Xususan, qo‘shma ta’lim dasturlarini yo‘lga qo‘yish, professor-o‘qituvchilar va talabalar almashinuvini kengaytirish, ilmiy tadqiqotlarni birgalikda amalga oshirish hamda axborot texnologiyalari yo‘nalishidagi hamkorlikni rivojlantirish masalalariga alohida e’tibor qaratilmoqda.