30 oktyabr kuni Muxammad al-Xorazmiy nomidagi Toshkent axborot texnologiyalari universiteti Axborot resurs markazida “UZbook mobil ilova” taqdimoti o`tkazildi. Tadbirni Oybek Isayev olib bordi. “Markaziy Osiyoda birinchi marta yaratilgan bizning “UZbook” mobil ilovamiz (dastur) mobil telefonlar va planshetlar orqali audio kitoblarni tinglash imkonini beradi va bu usul oddiy kitoblardan farqli ravishda foydalanishda qulayligi, ixchamligi,xamyonbobligi bilan ajralib turadi”, deydi muallif. “UZbook” audio kutubxonasida ko`zga ko`ringan o`zbek adiblarining hamda mashhur chet avtorlarining TOP-100 jahon reytingida 880 dan ortiq bestseller asarlari o`zbek, rus va ingliz tilida joylashgan.
