18-19 may kunlari Toshkent axborot texnologiyalari universitetida O‘zbekiston respublikasi axborot texnologiyalari va kommunikatsiyalarini rivojlantirish vazirligi hamda O‘zbekiston Respublikasi Oliy va o‘rta maxsus ta’lim vazirligi bilan hamkorlikda universitet qoshidagi "Elektron hukumat” o‘quv markazida "Elektron hukumat – imkoniyatlari va istiqbollari” mavzusida respublikadagi oliy ta’lim muassasalari rektor va prorektorlari uchun 14 soatlik seminar tashkil etildi. Seminar respublika miqiyosida onlayn tarzda o‘tkazildi. Seminarda TATU rektori O‘.R. Xamdamov, "Elektron hukumat” tizimini rivojlantirish markazining "Biznesni rivojlantirish departamenti” boshlig‘i M.M. Rasulov, "Axborot resurslarini rivojlantirish departamenti” boshlig‘i Z.Z.Shodmonov lar ma’ruza qildilar.
