Muhammad al-Xorazmiy nomidagi Toshkent axborot texnologiyalari universiteti Teleradioeshittirish tizimlari kafedrasining bakalavr (sirtqi) bosqichi bitiruvchilari tomonidan tayyorlangan bitiruv malakaviy ishlari himoyasi “RRTM” DUK — Radiorele uzatish markazi bazasida amaliy muhitda bo‘lib o‘tdi.

Davlat attestatsiya komissiyasi bitiruv ishlari texnologik asoslanganligi, mavzularning dolzarbligi va ularning teleradioeshittirish tizimlarida amaliy qo‘llanilish imkoniyatiga egaligini e’tirof etdi.

Bitiruvchilarimizni o‘z malakaviy ishlarini muvaffaqiyatli himoya qilganliklari bilan tabriklaymiz! Ularning ilmiy va kasbiy yo‘llarida ulkan muvaffaqiyatlar tilaymiz!