Kafedra mudiri:
Hasanov Doston To‘rayevich
Kafedra 1958 yili “Telefon aloqasi” kafedrasidan ajralib chiqdi va u dastlab “Telegraf aloqasi”, 1967-1968 yildan 1996 yilgacha “Diskret xabarlarni uzatish va telegraf aloqasi” va undan so‘ng “Telematika tizimlari” kafedrasi, deb yuritila boshlandi.
Kafedra o‘sha vaqtda Toshkent kasb-hunar kolleji (hozirgi AMITY universitetining asosiy binosi)da ish boshlagan. 1958 yili “Telegrafiya asoslari” fanidan Moskvadagi Markaziy aloqa ilmiy-tadqiqot instituti ilmiy xodimi, texnika fanlari nomzodi S.B.Bazilevich ma’ruzalar o‘qigan, laboratoriya mashg‘ulotlarini esa assistent I.B.Zorin olib borgan. 1958-1960 o‘quv yillarda kafedraga texnika fanlari nomzodi Ye.D. Milovidov mudirlik qildi. Bu davrda “Telegrafiya asoslari” fanidan ma’ruzalarni Leningrad elektrotexnika aloqa institutidan xizmat safariga yuborilgan texnika fanlari nomzodi Ye.A.Yemelyanov o‘qigan.
1960-1961 o‘quv yilidan boshlab kafedrada Moskva elektrotexnika aloqa institutini tugatgan M.B. Asqarova va Toshkent elektrotexnika aloqa institutida tahsil olgan M.N. Aripovlar assistent lavozimida ish boshlaganlar. 1960 yil dekabr oyida assistent M.N. Aripov institut rahbariyati tomonidan Moskva elektrotexnika aloqa institutiga aspiranturaga maqsadli o‘qishga yuborildi.
Institut 1961-1962 o‘quv yili boshidan asosiy binoga ko‘chib o‘tgandan so‘ng, “Telegraf aloqasi asoslari va tonal telegraflash” o‘quv laboratoriyasi tashkil etildi. Shu yildan boshlab kafedraga I.B. Zorin mudirlik qildi. Keyingi o‘quv yilida A.V. Marin va 1963-1964 o‘quv yilidan 1968 yilgacha texnika fanlari nomzodi O.A.Labichev kafedraga mudirlik qildilar. M.N. Aripov 1964 yili nomzodlik dissertatsiyasini muvaffaqiyatli himoya qilib, kafedraga assistent lavozimiga qaytdi va 1968 yildan 2000 yil may oyigacha kafedraga mudirlik qildi.
2001 yildan 2005 yil mart oyigacha “Telematika tizimlari” kafedrasiga texnika fanlari nomzodi, dotsent N.B. Usmanova mudirlik qildi.
2005 - 2007 yillarda kafedraga t.f.n., dotsent Yu.K. Kamolov mudirlik qildi.
2008 yil iyun oyida TATU rektorining 550-01-sonli buyrug‘iga asosan «Telematika tizimlari» va «Telekommunikatsiya tarmoqlarini boshqarish» kafedralari birlashtirildi va «Ma’lumot uzatish tarmoqlari va tizimlari» kafedrasi, deb nomlandi.
2008 - 2009 o‘quv yillarida kafedraga “O‘zbektelekom” AKning bosh direktori, hamda 2009 - 2010 yillarda O‘zbekiston aloqa va axborotlashtirish agentligining bosh direktori bo‘lgan, i.f.n., dotsent X.A. Muxitdinov mudirlik qildi. Undan so‘ng quyidagi professor hodimlar kafedra mudiri lavozimida faoliyat olib borgan:
- 2010 – 2017 o‘quv yillarida, t.f.n., dotsent U.B. Amirsaidov;
- 2017 – 2019 o‘quv yillarida, t.f.n., dotsent Sh.Yu. Djabbarov;
- 2019 – 2022 o‘quv yillarida, t.f.f.d. (PhD), dotsent X.E. Xujamatov va t.f.f.d. (PhD) М.M.Abdullaevlar;
2022 yildan boshlab hozirgi vaqtgacha kafedrani t.f.f.d. (PhD) D.T. Hasanov boshqarib kelmoqda.
Kafedrada o‘sha davrda bir qator ilmiy darajali professor o‘qituvchilar: M.B.Asqarova, T.N.Nishonboyev, S.N.Saxarchuk, Sh.Z.Yunusov, R.M.Rajabov, N.S.Xodjaev, R.Z.Gizatulin, M.I.Djalilov, Yu.K.Kamolov, Ye.D.Bichkov, katta o‘qituvchilar: A.V.Smorodin, X.X.Fetlyaeva, X.Q.Qodirxo‘jaeva, R.X.Djuraev, O.A.Mileeva, T.Z.Tursunxo‘jaeva, S.O.Mahmudov va ilmiy xodimlar: I.A.Fetlyaev, F.Z.Faxrutdinov, N.X.Xikmatullaev, M.M.Zakirovlar o‘qituvchi va ilmiy xodim lavozimlarida faoliyat ko‘rsatdilar.
1976-1986 yillarda professor D.A.Abdullaev o‘rindoshlik asosida “Diskret axborotlarni uzatish” fani bo‘yicha ma’ruzalar o‘qidi.
Kafedra o‘qituvchi va xodimlari professor M.N.Aripov rahbarligi ostida Moskva, Kaluga, Nijniy-Novgorod shaharlari ilmiy-tadqiqot institutlari va ishlab chiqarish korxonalari bilan ilmiy tadqiqot ishlarini ham olib bordilar. Kafedrada ilmiy tadqiqot ishlari ikki yo‘nalishda olib borildi: “Axborotlarni diskret uzatish ishonchliligini oshirish metodlari” va “Raqamli tizimlar holatiga texnik tashxis qo‘yish”.
Mazkur ilmiy tadqiqot ishlarini olib borishda o‘qituvchilar bilan birga kafedra xodimlari I.A.Fetlyaev, R.X.Djuraev, I.P. Borodina, M.M.Minorov, M.M.Zokirov, Ye.D. Bichkovlar faol ishtrok etdilar. Tadqiqot natijalari bo‘yicha dotsent M.N.Aripov rahbarligi ostida va uning ilmiy maslahati bilan Sh.Z. Yunusov, M.Z.Yoqubova, Z.B.Tukubaev, M.I.Djalilov, Ye.D.Bichkovlar nomzodlik disseratatsiyalarni himoya qilganlar. Kafedra professor-o‘qituvchilari va ilmiy xodimlari tomonidan 200 dan ortiq ilmiy maqolalar, 100 ga yaqin o‘quv-uslubiy qo‘llanmalar chop etildi, 20 ixtiro uchun patent olishga muyassar bo‘lgan.
Hozirda kafedra “Telekommunikatsiya texnologiyalari” fakultetida ilg‘or kafedra bo‘lib, ilmiy darajali professor-o‘qituvchilar salohiyati bo‘yicha yetakchi o‘rinni egallab kelmoqda. Mashg‘ulotlar yuqori ilmiy-uslubiy saviyada, zamonaviy didaktik metodlar va axborot-kommunikatsiya texnologiyalaridan foydalangan holda olib borilmoqda. Kafedrada har yili telekommunikatsiya sohasining dolzarb masalalari bo‘yicha magistrlik va malakaviy dissertatsiyalar himoya qilinadi. Hozirgi kunda kafedrada 15 nafar professor-o‘qituvchilar faoliyat yuritishmoqda, jumladan asosiy shtatda faoliyat olib borayotgan professor – o‘qituvchilar:
- f.d. (DSc), dotsent U.B. Amirsaidov
- f.d. (DSc), dotsent N.B. Usmanova
- f.n., dotsent Sh.Yu. Djabbarov
- dotsent R.X. Djuraev
- f.d. (DSc), dotsent X.E. Xujamatov
- katta o‘qituvhi, Ye.N. Reypnazarov
- assistent, N.R. Saburova
- assistent, A.A. Qodirov
- assistent, D.M. Matkurbanov
O‘rindosh asosida faoliyat olib borayotgan professor – o‘qituvchilar:
- assistent, O.A. Xasanov
- assistent, T.K. Toshtemirov
- assistent, N.M. Axmedov
- assistent, D.X. Temirova
- assistent, A.P. Lazarev
- assistent, B.K. Turumbetov
Shuningdek, labaratoriya mudiri lavozimida F.Qodirov faoliyat yuritishmoqda.
Kafedrada ayni vaqtda ilmiy-tadqiqot ishlari bilan shug‘ullanayotgan 9 ta doktorantlari va mustaqil izlanuvchilari mavjud, shulardan
Tayanch doktorantlar:
- Xolliyev Islom Tura o‘g‘li
- Turumbetov Bairam Kongratbayevich
- Temirova Dilfuza Xusanovna
- Axmedov Nurshod Murodovich
- Toshtemirov Temirbek Qodirjon o‘g‘li
- Lazarev Amir Pishembayevich
- Xasanov Orif Abul o‘g‘li
- Abdullayev Abdurauf Amirovich
- Jolimbetova Elyanora Damirovna
- Saitkamolova Go‘zal Komiljon qizi
Mustaqil izlanuvchilar:
- Xoshimov Jamshid Fayzulla o‘g‘li
- Kilichov Jasur Ruzikulovich
TA’LIM YO‘NALISHLARI:
Bakalavriat:
60611000 - Telekommunikatsiya texnologiyalari (“Telekommunikatsiyalar”)
Magistratura:
70611001 - Tеlеkommunikatsiya injiniringi (Axborot uzatish tizimlari)
KAFEDRADA O‘QITILADIGAN FANLAR
Bakalavriat:
- Axborot va kodlash nazariyasi
- Kompyuter tarmoqlari
- Virtual tarmoq texnologiyalari
- Kommutatsiya va marshrutizatsiya
- Aloqa tizimlarini modellashtrish va simuliyatsiyalash
Magistratura:
- Tarmoq xavfsizligi
- Tarmoqlarni boshqarish
- IР-tаrmоqlаrdа multimedia uzatish
- Tarmoqlarni optimallashtirish
- Telekommunikatsiya tarmoqlаri ekspluatatsiyasi va xizmat ko‘rsatish
KAFEDRADA BAJARILAYOTGAN DAVLAT VA CHET EL GRANTLARI (FUNDAMENTAL, AMALIY, INNOVATSION VA XO‘JALIK LOYIHALARI):
- Халқаро лойиҳа: European Association for Cooperation, Erasmus + ERASMUS-EDU-2023-CBHE “DEBSEUz: Development of the targeted Educational program for Bachelors in Solar Energy in Uzbekistan” (2024-2026 yy.).
- Халқаро лойиҳа: European Association for Cooperation, Erasmus + 609564-EPP-1-2019-1-EL-EPPKA2-CBHE-JP “MechaUZ: Modernization of Mechatronics and Robotics for Bachelor degree in Uzbekistan through Innovative Ideas and Digital Technology” (2021-2023 yy.).
- Халқаро қўшма лойиҳа: UZB-IND-2021-94 “Energy Efficient Communication and Data Flow in Smart City using CRN based IoT Framework” Uzbek-India International joint research project (2021-2023 yy.).
KAFEDRANING ILMIY USLUBIY ISHLARI:
- У.Б. Амирсаидов Оптимизация сетей. Учебное пособие – Ташкент, ТУИТ, 2023. - 192 c.
- B. Amirsaidov Tarmoqlarni optimallashtirish. О’quv qо’llanma - TATU, 2022, 167 bet.
- Khujamatov Halimjon, Khaleel Ahmad, Khasanov Doston. Digital, Logic Design. Tutorial. –T.: «FAN VA TA’LIM» nashriyoti, 2022. – 289 bet.
- И.Х. Сиддиков, Д.Т. Ҳасанов, Х.Э. Хужаматов. “Телекоммуникация объекти энергия таъминоти манбаларини симсиз сенсор тармоқлар асосидаги мониторинги”. Монография. - 126 бет
- E. Xo‘jamatov, E.N. Reypnazarov, N.M. Axmedov, A.P. Lazarov, D.T. Hasanov. “Virtual tarmoq texnologiyalari”. Uslubiy qo‘llanma. – Toshkent: TATU. 2022. -248b.
- Maxmudov O., Xujamatov X.E., Matqurbonov D.M., Lazarev A.P., Temirova D.X. “Tarmoq xavfsizligi”. Uslubiy qo‘llanma. – Toshkent: TATU 2022. -120 b.
- Хужаматов Х.Э., Рейпназаров Е.Н., Ахмедов Н.М., Лазарев А.П., Тоштемиров Т.К. «Технологии виртуальных сетей. Методический пособие по выполнению лабораторных работ» / ТУИТ имени Мухаммада ал-Хоразмий, 208 с. Ташкент, 2022
- B. Baltayev, R.X.Djuraev, Sh.Yu.Djabbarov. “Ko‘p kanalli signaturali tahlil vositalari asosida ma’lumot uzatish tizimlarining mikrokontroller va mikroprotsessor qurilmalarini diagnostikalash samaradorligi” monografiya, TDTrU, T.: 2022,170
- Amirsaidov U.B., Usmanova N.B.Telekommunikatsiya tarmoqlarida sifatni ta’minlash va boshqarish masalalari. Monografiya. - Toshkent: TUIT. 2022.- 176 b.
KAFEDRADA ERISHILGAN YUTUQLAR:
Kafedra professor-o‘qituvchilarining samarali mehnatlari davlatimiz tomonidan munosib taqdirlangan. Jumladan, 1998 yilda Mustaqillik bayramining 7 yillik munosabati bilan R.X. Djuraevga “A’lo darajali mutaxassis” unvoni, 2005 yilda TATUning 50 yilligiga bag‘ishlangan tadbirda kafedraning katta o‘qituvchisi T.Z. Tursunxodjaeva davlatimizning “Mehnat shuxrati” ordeni, Mustaqillikning 15 yilligi munosabati bilan N.B.Usmanova “Ko‘krak nishoni” ordeni, O‘zbekiston Respublikasi mustaqilligining 17 yilligi munosabati bilan O‘zbekiston aloqa va axborotlashtirish agentligi tomonidan Sh. Yu. Djabbarovning xizmatda erishgan yutuqlarini inobatga olib “O‘z kasbining ustasi” belgisi va 2021 yil mustaqilligimizning 30 yilligi munosabati bilan “Ko‘krak nishoni” bilan mukofotlandi. 2023 yil Raqamli texnologiyalar vazirligi tomondan koʻp yillik mexnati uchun Djurayev Rustam Xusanovich “1-darajali mexnat faxriysi” koʻkrak nishoni bilan taqdirlandi. Shuningdek kafedra doktoranti Ye.N.Reypnazarov 2023 yil doktorantlar uchun Prezident davlat stipendiyasi sovrindori bo‘ldi. Shuningdek u “Scopus Awards - 2023” taqdirlash marosimida ”Computer Science” va ”Decision Sciences” nominatsiyalarida Scopus bazasidagi nashr faolligi bo‘yicha eng yaxshi muallif sifatida e’tirof etildi hamda “Elsevier” kompaniyasi va Oliy ta’lim, fan va innovatsiyalar vazirligi tomonidan sovrin belgisi, sertifikat va qimmatbaho sovg‘alar bilan taqdirlandi.