2010 yil 25-26 martda Toshkent axborot texnologiyalari universitetida "Infokommunikatsion texnologiyalar" respublika ilmiy-texnik konferensiyasi o`tkaziladi.
KONFERENSIYA SEKSIYALARI:
1. Axborot va dasturlash texnologiyalari, kompyuter tizimlari va xavfsizlik masalalari.
2. Telekommunikatsiya tarmoqlari, tizimlari va xizmatlari.
3. Radiotexnik qurilmalar va tizimlarning xolati va rivojlanish tamoyillari.
4. O`zbekiston aloqa va axborotlashtirish sohasi rivojlanishining iqtisodiy masalalari. Ta'lim sotsiologiyasi.

Konferensiya haqida to`liq ma'lumat shu yerda

Diqqat konkurs!

         Toshkent axborot texnologiyalari universitetida kafedraning ENG YAXSHI VEB-SAYTI ruknida konkurs o`tkaziladi. Konkursga talaba, aspirant va tadqiqotchilar qatnashishi mumkin. Veb saytni 10 martgacha "Axborot texnologiyalari" markazi B korpus 11 xonaga olib kelishi yoki  cit@tuit.uz pochta manziliga URL adresiini jo`natishingiz mumkin.

              TATUga KETI(Koreya) delegatsiyasi tashrif buyurdi

       2010 yil 22 fevralda universitetda TATU rektori S.S. Qosimov Koreya elektronika texnologiyalari instituti (KETI) prezidenti Pyong Rak Choy va vitse-prezidenti Xvang Xak Inlar bilan uchrashdi. Uchrashuvda O`zbekiston Respublikasi Prezidentining Koreya Respublikasiga rasmiy tashrifi doirasida 2010 yil 9 fevralda O`zbekiston aloqa va axborotlashtirish agentligi, Toshkent axborot texnologiyalari universiteti va Koreya elektronika texnologiyalari instituti (KETI) o`rtasida AKT sohasida ta'lim va fanni rivojlantirishda hamkorlik qilish bo`yicha imzolangan Anglashuv Memorandumining ahamiyati katta mamnuyat bilan ta'kidlandi.

2010 yil 13 fevral kuni Toshkent axborot texnologiyalari universiteti talabalari va magistrlari o`rtasida katta majlislar zalida "Radioaloqa, radioeshittirish va televideniya markazi" DUK texnik direktori B.K.Abidov boshchiligida O`zbekiston Respublikasida muddatli hududiy reja asosida raqamli televideniyani joriy qilish mavzusida qizg`in taqdimot bo`lib o`tdi.
Taqdimotni DUK texnik direktori B.K.Abidov va Radioaloqa va radioeshittirish texnologiyalari fakulteti dekani O.Abduazizovlar olib borishdi.

AICT2010 anjumani rus va ingliz tilida o’tkaziladi. Barcha ma’lumotlar rus va ingliz tilida batafsil anjuman web sahifasida keltirilgan.