🔄 Belgilangan o‘quv grafigiga muvofiq, Dasturiy injiniring fakulteti talabalari uchun joriy yilning 22-aprelidan bitiruv oldi amaliyoti boshlandi.
Mutaxassislik fanlarini chuqur egallashda nazariy va amaliy bilimlar uyg‘unligi muhim ahamiyat kasb etishi inobatga olinsa, mazkur bitiruv oldi amaliyotining talabalar uchun akademik o‘qish davri mobaynidagi o‘rni katta.
Dasturiy injiniring fakulteti
4-bosqich talabalari Raqamli texnologiyalar va sunʼiy intelektni rivojlantirish ilmiy tadqiqot instituti, Davlat axborot tizimlarini yaratish va qo‘llab-quvvatlash bo‘yicha yagona integrator UZINFOCOM, O‘zbekiston Respublikasi Iqtisodiyot va moliya vazirligi huzuridagi Bojxona qo‘mitasi, UNICON.UZ - Fan-texnika va marketing tadqiqotlari markazi MChJ, UZUM kompaniyasi, Yangi texnologiyalar ilmiy axborot markazi DUK boshqa tashkilotlarga amaliyotga yuborildi.
